YOWANO 10
10
Ciximo calimba lyamikoko
1Camwenemwene, camwenemwene, nangumilweza ngwami, Ou nakane kwingilila kucikolo hakwingila mulimba lyamikoko, oloze mwanyinyila kweka, ikiye mwiji, ikiye cihwanga.
2Oloze ou mwengilila kucikolo, ikiye #Mako 6.34.kafunga kamikoko.
3Ikiye vene Ou navasokolwelako kuli muka-kulama kucikolo, mikoko jenyi navevwa lizu lyenyi, kaha mikoko jenyi mwavasanyika halijina halijina, mwavatwala kuweluka.
4Cose navalovola lyehi mikoko jenyi vosena, himwavatwaminyinangako, kaha mikoko navamukavangizanga, mwomwo vanatacikiza lizu lyenyi, xikaho.
5Kavexi kukavangiza wekako, oloze navamucina, mwomwo kavatacikiza mazu avekako, xikaho.
6Yesu avatelele ciximo cino, oloze vakivo vyuma ahanjikile kuli vakivo kavyavalumbunukilileko.
Yesu Ikiye Kafunga wamwenemwene
7Kaha Yesu avambile ceka ngwenyi, Camwenemwene, camwenemwene, nangumilweza ngwami, Ami yami cikolo camikoko.
8Vexovo valivangile kulutwe lwami vanapu #Yele. 23.1-2; Ezeke. 34.2-6.veji navihwanga, oloze mikoko kavavevwililileko.
9Ami yami cikolo, kaci nge mutu mwengilila muli Ami navamulwila, kaha mwengila mwalovoka mwawana kuulilo.
10Mwiji hakwiza mwakava kwiva kaha nakujiha nakwenyeka. Ami nguneza mangana ngwami, #5.40.vatwamenga nakuyoya, ngwami, vatwamenga naco cacivulu.
11Ami yami #Isa. 40.11; Ezeke. 34.11-16; Hepe. 13.20; Petu. 1, 5.4; Kuso. 7.17.kafunga wamwenemwene. Kafunga wamwenemwene #Yowa. 1, 3.16; Yowa. 15.13.mwavecela mikoko jenyi mwono wenyi.
12Ou mwazacila fweto, ou nazeneka kupwa kafunga, mikoko kavexi venyiko, mwamona kangunge ali nakwiza, kaha mwavaseza mikoko, himwacina, kaha kangunge himwavahukula, himwavapuzumuna.
13Mwacina mwomwo ikiye mukakuzacila fweto kaha, kavazakamina mikokoko, xikaho.
14Ami yami kafunga wamwenemwene, ngunavatacikiza vami, kaha vami vanangutacikizAmi,
15nge omu #Mateu 11.27.nautacikiza Tata, nomu ngwamutacikizAmi Tata, kaha nanguvecela mikoko jami mwono wami.
16Kaha #Isa. 56.8.nguli namikoko veka nawa, vakivo kavexi vakulimba linoko, navakivo nawa kuvanga nguvanehe, kaha lizu lyami navakalivwilila, ngoco nakukapwanga #11.52; 17.20-21; Efwe. 2.13-18; Petu. 1, 2.25.utanga umwe #Ezeke. 34.23; 37.24.nakafunga umwe.
17Hakiko vene anguzangila Tata, mwomwo Ami nangweca mwono wami, mangana ngukautambule ceka.
18 #
2.19; 5.23. Naumwe pimbi mwakangutambulawo, oloze Ami lyavene nangulyecelawo. Nguli nangolo jakuweca, kaha nguli nangolo jakuutambula ceka. #14.31; 15.10; Fwili. 2.8; Hepe. 5.8.Luximbi elu ngwalutambwile kuli Tata.
19Jino muli vaYuleya #7.43; 9.16.mwasolokele ceka kuhandunuka hamazu awa.
20Vakwavo vavavulu valyambile ngwavo, #7.20; 8.48; Mateu 11.18.Ali nandemone, #Mako 3.21.nazaluka, ikaze namumwivwilila?
21Veka vambile ngwavo, Mazu awa kawexi amuka-ndemoneko. Ngwavo, #9.32-33; Kulo. 4.11.Ndemone mwahasa kutonesa meso akapuputa numba?
Yesu navamukana kuli vaYuleya
22Jino kuYelusalema kwapwile ciwanyino cakwanuka kujilika tembele.
23Capwile hamwaka wacixika, kaha Yesu apwile nakutambuka mutembele, #Vili. 3.11; 5.12.musenge yaSolomone.
24Jino vaYuleya vejile nakumujingilika, vamwambile ngwavo, Naututwamisanga nakuhuhwasana palanga nakumwaka uka? Nge ove yove Kulixitu, tulweze mwakulumbunuka.
25Yesu avakumbulwile ngwenyi, Ngwamilwezanga, oloze kamwetavileko. #v. 38; 5.36.Vilingevi ngweji kulingangAmi halijina lyaTata, vikiko vili nakusolola unjiho wakungulumbununa.
26Oloze enu kamwetavileko, #8.47. mwomwo kamwexi muvakumikoko jamiko, xikaho.
27Mikoko jami veji kwivwililanga lizu lyami, kahAmi ngunavatacikiza, kaha veji kungukavangizanga.
28Ami #17.2-3.ngweji kuvahananga kuyoya cahaya myaka yosena, kavexi kwiza kukanongako nahaya myaka yosena, kaha #6.37, 39.kakwexi umwe mwahasa kuvahukula mulivoko lyamiko.
29Tata, Ou nanguhanevo, nahambakana vosena, kakwexi umwe mwahasa kuvahukula mulivoko lyaTatako.
30 #
17.21. Etu naTata twapwa Umwe.
31VaYuleya #8.59; 11.8.vanonele ceka malolwa ngwavo, vamwase.
32Yesu avakumbulwile ngwenyi, Ngunamilweze lyehi vilinga vyamwaza vyakuli Tata vyavivulu. Kuvilingevi cinamungwaxila malolwa cilihize?
33VaYuleya vamukumbulwile ngwavo, Havilinga vyamwaza lika katwexi kukwaxilaho malolwako, xina #Levi 24.16; Mako 14.64. hakusaula Kalunga, kaha mwomwove umutu unalivuluka kupwa ngwove, uKalunga.
34Yesu avakumbulwile ngwenyi, Vasoneka #8.17.kujiximbi jenu nyi? ngwavo, #Samu 82.6.Ami ngwamyambile ngwami, Mutulunga.
35Kuli vaze ejile mazu aKalunga, kaci vakivo avavulukile ngwenyi, Mutulunga, (kaha Mazu-vasoneka kavexi kuhasa kuwazeyesako),
36kahOu vajilikile kuli Tata #3.17.nakutuma hamavu, enu munamwambe ngwenu, Unasaula Kalunga, mwomwo hakwamba ngwami, #5.17-18.NguMwanaKalunga tahi?
37Kaci nge vilinga vyaTata kangwexi nakuvilingako, kaha kanda mungwitavako.
38Oloze nge nguli nakuvilinga vene, cipwe nge kamwexi kungwitavAmiko, oloze #v. 25; 14.11.vitavenu vilinga, mangana mutacikize, kaha cimilumbunukile omu #14.10-11, 20; 17.21-23.ali Tata muli Ami, nomu nguli Ami nawa muli Tata.
39 #
7.30. Vasakile ceka ngwavo, vamukwale, oloze #8.59; Luka 4.30.alovokelemo, afumine kumavoko avo.
40Afumine kuze ayile ceka #1.28.musali yaYotau, kuze apwile Yowano hakulivanga nakumbapacisa vatu, kaha atwaminenga kuze.
41Kuli Ikiye kwayile vavavulu, vapwile nakulyamba ngwavo, Camwenemwene, Yowano kalingile cinjikizoko, oloze vyexovyo avulukile Yowano hali Ou vyapwile vyamucano.
42Kaha kwapwile #7.31; 11.45.vavavulu vamwitavilile kuze.
Currently Selected:
YOWANO 10: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
