YOWANO 11
11
Kufwa caLazalu
1Jino kwapwile mutu apwile nakuviza, apwile ikiye Lazalu wakuMbetane, wakwimbo #Luka 10.38-39.lyaMaliya nayayenyi Malita.
2Ou Maliya ikiye vene #12.3.uze amuwavixile Mwata maji ahunjile kumahinji enyi najikambu jenyi, ikiye vene uze ukweci ndumbwenyi Lazalu uze avijile.
3Xikaho vandumbwenyi vamapwevo vatumine vatu kuli Yesu nakumwamba ngwavo, Ove #Luka 7.13.Mwata, tala, ou wazanga ali nakuviza.
4Oloze Yesu hakucivwa ambile ngwenyi, Kuviza kana kacexi cakutwala kukufwako, oloze #9.3.cakumutohweselaho Kalunga, mangana vamutohweseleho MwanaKalunga.
5Kaha jino, Yesu azangilenga Malita nasongo yenyi naLazalu.
6Jino omu evwile ngwavo, Lazalu ali nakuviza, hamakumbi aze atwamine makumbi avali kuma kuze apwile.
7Hakukuminyina, numba himwavamba tumbaji twenyi ngwenyi, Tuyenu ceka kuYuleya.
8Tumbaji twenyi hinavamwamba ngwavo, Ove Lapi, makumbi ano vene vaYuleya #10.31; 8.59.vasakanga ngwavo, vakwase malolwa, kaha nauya ceka kuze nawa?
9Yesu avakumbulwile ngwenyi, #9.4; 12.35.Halikumbi limwe hali jola likumi najivali nyi? Kaci nge mutu mwatambuka #9.4; 12.35.namusana, kexi kuhukanako, mwomwo mwamona musana wahano hamavu, xikaho.
10Oloze kaci nge mutu mwatambuka naufuku, mwahukana, mwomwo musana kawexi muli ikiyeko, xikaho.
11Vyumevi avihanjikile, kaha hakukumisa himwavamba ngwenyi, Sepa lyetu Lazalu #Mateu 27.52; Mako 5.9; Vili. 7.60.nasavala lyehi tulo, oloze nanguya mangana ngukamutonese kutulo twenyi.
12Jino tumbaji twenyi vamwambile ngwavo, Ove Mwata, nge nasavala lyehi tulo mwahinduka.
13Oloze #Mateu 9.24; Luka 8.52.Yesu avulukile kufwa cenyi, oloze vakivo vaxinganyekele ngwavo, navuluka kunoka catulo.
14Haze vene Yesu avalumbunwinyine kanawa ngwenyi, Lazalu nafu.
15Kaha ngunawahilila hali enu, mwomwo kangwapwile kuzeko, mangana muketave. Cipwe ngoco, tuyenu kuli ikiye.
16Kaha #20.24-28; Mateu 10.3.Tomase, ou vavulukilenga ngwavo, Mwanapasa, avambile tumbaji vakwavo ngwenyi, Twatuyenu nayetu nawa, mangana tukafwe nenyi hamwe.
Yesu Ikiye Kusanguka, Ikiye Kuyoya
17Kaha Yesu omu ahetele kuze, amuwanyine nasavala lyehi makumbi awana mucimbumbe.
18Jino kuMbetane kwapwile kwakamwihi naYelusalema, kafwe tando #11.18:Tala 6.19.yamasatela likumi naatanu.
19VaYuleya vavavulu vejile kuli Malita naMaliya, mangana vavavendejeke hakufwa candumbwavo.
20Kaha Malita hakwivwa ngwavo, Yesu ali nakwiza, ayile nakumusesa, oloze Maliya hanga natwamina muzuvo.
21Malita amwambile Yesu ngwenyi, #v. 32.Ove Mwata, kaci wapwanga kuno kaci ndumbwami kafwileko.
22Oloze noholili ngunatacikiza ngwami, Vyexovyo naulomba kuli Kalunga, Kalunga mwakuhanavyo.
23Yesu himwamwamba ngwenyi, Ndumbwove mwasanguka ceka.
24Malita amwambile ngwenyi, Ngunatacikiza ngwami, #Ndanye. 12.2; Yowa. 5.28; Vili. 24.15.mwakasanguka hakusanguka cahalikumbi lyakukuminyina.
25Yesu amwambile ngwenyi, #1.4; 5.25-28; 6.39-40; Kuso. 1.18.Ami yami Kusanguka, #14.6; Yowa. 1, 5.11-12.yami Kuyoya. Ou mwangwitavilAmi, cipwe nafu, mwakayoya,
26kaha wose nayoyo nangwitavila #6.47, 50, 51; 8.51.kexi kwiza kukafwako nahaya myaka yosena. Unetavamo tahi?
27Malita himwamwamba ngwenyi, Eyo Mwata, ami ngunetava ngwami, Ove #Mateu 16.16.yove Kulixitu MwanaKalunga, Uze wakwiza hano hamavu.
Yesu mwalila
28Hakutulisa kuhanjika ngoco, ayile amusanyikile songo yenyi Maliya kupenge amwambile ngwenyi, #13.13; Mateu 26.18; Mako 14.14; Luka 22.11.Muka-kunangula neza, ali nakukusanyika.
29Ikiye hakwivwa ngoco akatukile lumbuxi ayile kuli Ikiye.
30Kaha jino, ximbu haze Yesu apwile kanda ahete mwimbo, kutala acili kuma kuze vamuhumanganyine kuli Malita.
31VaYuleya vaze vapwile nenyi muzuvo nakumuvendejeka, omu vamumwene Maliya mwakatuka lufuxi nakulovoka, vamukavile nakuxinganyeka ngwavo, Mwaya kucimbumbe mangana akalilileko.
32Jino Maliya hakuheta kuli Yesu, hakumumona, alimbilile hamavu kumahinji enyi, amwambile ngwenyi, #v. 21.Ove Mwata, kaci wapwanga kuno kaci ndumbwami kafwileko.
33Yesu hakumumona ali nakulila, navaYuleya vaze vaneza nenyi nawa vali nakulila nawa, alixiximwine muxipilitu yenyi nakulinyenga.
34Kaha avehwile ngwenyi, munamufundu kulihi? Vamwambile ngwavo, Ove Mwata, twaya utale.
35Yesu #Luka 19.41.alilile.
36Xikaho vaYuleya valyambile ngwavo, Talenu omwo amuzanga!
37Oloze vakwavo vamwe vambile ngwavo, Ou #9.7.atonesanga meso ayauze kapuputa, kumana, ahone mwakulinga mangana namutu ou nawa azeneke kufwa?
Yesu mwamuyoyesa Lazalu
38Jino Yesu hakulixiximuna ceka mumucima wenyi ahetele kucimbumbe. Cikiko capwile #20.1; Mateu 27.60; Mako 15.46; Luka 24.2.wina wakusendeleka, vanambanjikako lilolwa.
39Yesu himwavamba ngwenyi, Fumisenuko eli lilolwa. Malita, ndumbwauze afwile, himwamwamba ngwenyi, Ove Mwata, oholyapwa nanuku, mwomwo munahici lyehi makumbi awana, xikaho.
40Yesu himwamwamba ngwenyi, Cakulwezeleko numba? ngwami, Nge unetava naumona upahu waKalunga.
41Ngoco lilolwa valifumixileko. Yesu #17.1; Vili. 7.55.andwile meso enyi nakutala kwilu, ambile ngwenyi, #Mateu 11.25.Ove Tata, ngunakusakwilila mwomwo unangwivwilila.
42Ami ngunatacikiza ngwami, weji kungwivwililanga makumbi osena, oloze #12.30.haliyongomeneli Unemana kuno, hakiko vene ngunambila, mangana vetave ngwavo, #3.17.Ove wangufumine.
43Hakutulisa kuhanjika ngoco, atambakanyine nalizu lyakukanguka ngwenyi, Ove Lazalu, lovokamo!
44Uze apwile mufu alovokelemo, #19.40.hanga vamukaxilanga kumavoko nakumahinji mahinaze vamujingilile, #20.7.nakumeso enyi nawa hanga vamujicikilanga lilesu. Yesu himwavamba ngwenyi, Mukasununenu mangana ayenga kwenyi.
Navamutwama Yesu punga
(Mateu 26.1-5; Mako 14.1-2; Luka 22.1-2)
45Xikaho #7.31.kuli vaYuleya vaze vejile kuli Maliya, vaze vamwene cize alingile Yesu, kwapwile vavavulu vamwitavilile.
46Oloze vakwavo vamwe vayile kuli vaFwaliseu, vavalwezele vyuma kana alingile Yesu.
47Xikaho vapilixitu vavalemu navaFwaliseu vakungulwile #11.47:Nge ngwavo, Vaka-zango. Sunendeline yapwile liuka lyavakulwane javaYuleya vakulitulaho.vakasunendeline, vambile ngwavo, Natulinga muka? Mwomwo mutu kana ali nakulinga vinjikizo vyavivulu.
48Kaci nge natumwecelela tuhu ngoco, kaha vatu vosena navamwitavila, kaha vaLoma hinavakeza nakutunyanga kuma lyetu namuyaci wetu.
49Oloze minavo umwe, #Mateu 26.3.Kayafwase, apwile kapilixitu wakulitulaho hamwaka uze, avambile ngwenyi, Enu kamwatacikiza cuma nacimweko.
50Kamwexi kwanukako ngwenu, cinawahe kuli enu mutu umwe kuvafwila vatu, mangana muyaci wavatu wosena vazeneke kunonga.
51Hakuhanjika ngoco kalihanjikilile tuhuko, oloze hakupwa kapilixitu wakulitulaho hamwaka uze, xikaho ahanjikile mazu aupolofweto, nge ngwenyi, Yesu mwakavafwila vaka-muyaci uze,
52kaha kacexi nge vaka-muyaci uze kahako, oloze mangana #10.16; 17.21.vana vaKalunga nawa vaze valimwangila kwosena akavakungulwile hamwe.
53Ngoco kufumisa kulikumbi lize vatwamine punga ngwavo, vakamujihe.
54Xikaho Yesu #7.1.katambukilenga ceka musana weye muli vaYuleyako, oloze afumine kuze ayile kulifuci lili kwakamwihi napambo, kwimbo vavulukilenga ngwavo, Efwalime, kaha atwamine kuze natumbaji twenyi hamwe.
55Jino paseka yavaYuleya yapwile kwakamwihi. Kumembo kwafumine vavavulu vayile kuYelusalema ximbu yapwile paseka yicili kanda, mangana #18.28; Kula. 9.10; Miji. 2, 30.17-18.vakalitomese.
56Kaha #7.11.vamutondelenga Yesu nakulihwojola hakwimana mutembele ngwavo, Munaxinganyeka ngacilihi? ngwenu, kexi kwiza kuciwanyinoko tahi?
57Kaha jino, vapilixitu vavalemu navaFwaliseu vahanyine lyehi luximbi ngwavo, Kaci nge kuli mutu natacikizoku ali, amusolole, mangana tukamukwate.
Currently Selected:
YOWANO 11: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
