YOWANO 12

Navamuwavisa Yesu kuMbetane

(Mateu 26.6-13; Mako 14.3-9)

1Kahomu kwasalile makumbi atanu nalimwe nakuheta kupaseka, Yesu ejile kuMbetane, kuze apwile Lazalu, uze vasangwile kuli Yesu kuvafu.

2Vamutelekeselele kulya, kaha #Luka 10.38.Malita anehele vyakulya, oloze Lazalu apwile muli vaze vasendavalile nenyi kumesa.

3Jino #11.2.Maliya anehele paundu yamaji analatu yitoma, andando yayinene, awakwicile kumahinji aYesu, ahunjile kumahinji aYesu najikambu jenyi. Kaha zuvo yosena yayangililile livumba lyawaze maji.

4Oloze kambaji kenyi umwe, Yuta Isakalyote, uze mweza kumusolola kuli vaka-kole, himwamba ngwenyi,

5Maji awa vanakanyina ika kuwalanda #12.5:Tala 6.7.jindenali makulukaji atatu nakuhana vaka-kuhutwa?

6Oloze hakuhanjika ngoco kahanjikilile hakuvazakamina vakakuhutwako, oloze mwomwo apwile mwiji, #13.29.ambacilenga tuku yajimbongo, kaha #Luka 8.3.jize vahakilengamo ajinonelengamo, xikaho.

7Kaha Yesu amwambile ngwenyi, Mwece kwenyi, omu nawalaminanga #19.40.likumbi lyakungufunda.

8Mwomwo #Luxi. 15.11.vaka-kuhutwa mwatwama navo makumbi osena, oloze Ami cexi kutwamanga nenu makumbi osenako.

Navamutwama Lazalu punga

9Jino kuli vaYuleya vatu vavavulu vatacikijile ngwavo, ali kuze, kaha vejile, oloze kavamukavile Yesu kahako, oloze mangana ngwavo, vakamumone Lazalu nawa, #11.43-44.uze asangwile kuvafu.

10Oloze vapilixitu vavalemu vakwacile punga yakumujiha naLazalu nawa,

11mwomwo hali ikiye xikaho #7.31; 11.42.vaYuleya vavavulu vapwile nakuvaseza nakumwitavila Yesu.

Yesu mwengila mwamwangana muYelusalema

(Mateu 21.1-11; Mako 11.1-11; Luka 19.28-40)

12Omu kwacele, liyongomena lyalinene vaze vayile kuciwanyino, hakwivwa ngwavo, Yesu ali nakwiza kuYelusalema,

13vambacile mafo amikoma, kaha valovokele nakumukikilila. Vapwile nakutambakana ngwavo, #12.13:Nge ngwavo, Acilwile! Likiko lizu lyakumulemesa hawangana.#Samu 118.25-26.Hozana! VamukisulengOu mweza mulijina lyaYehova, Ou #1.49.Mwangana wavaIsalele!

14Yesu hakuwana mwanacimbulu atwamineho, nge muze vasoneka ngwavo,

15 # Zeka. 9.9. Ove mwanaZeyone, kanda wivwa womako, tala, Mwangana wove mweza, natwame halivuvu lyacimbulu.

16 # 2.20; 14.26; Mako 9.32. Vyumevi tumbaji twenyi kavavitacikijile hakulivangako, oloze omu alingile Yesu #7.39.hanengila lyehi muupahu wenyi, numbanyi hivanuke ngwavo, vyuma kana vavisoneka vyakumuvuluka, ngwavo, vamulingilile vyuma kana.

17Jino #11.42.lize liyongomena lyapwile nenyi omu amusanyikile Lazalu kulovoka mucimbumbe cenyi nakumusangula kuvafu, vambulwilenga unjiho wavo.

18Hakiko nawa lyayililile lize liyongomena nakumukikilila, mwomwo vevwile omu alingile cinjikizo kana, xikaho.

19Xikaho vaFwaliseu valyambile ngwavo, Talenu omu munamuhono muvyuma vyosena! Talenu tuhu! vaka-mavu vosena vali nakumukava!

Nakwiza vaHelase nakumusaka Yesu

20Kuli vaze vakandukile nakulemesa Kalunga kuciwanyino kana kwapwile #7.35; Vili. 11.20.vaHelase vamwe.

21Vakivo vejile kuli #1.44; 6.5.Fwilipu, uze apwile wakuMbetesaita lyakuNgalileya, vamwihwile ngwavo, Ove mwata, tunasake ngwetu, tumumone Yesu.

22Fwilipu ayile nakumulweza Andelei, kaha Andelei naFwilipu hinavaya nakumulweza Yesu.

23Yesu avakumbulwile ngwenyi, #13.1; 17.1; Mako 14.35, 41.Lwola lunahete lyehi mangana Mwanamutu engile muupahu wenyi.

24Camwenemwene, camwenemwene, nangumilweza ngwami, Linona lyatiliku #Koli. 1, 15.36; Loma 14.9.kuvanga liholokele mumavu nakufwa, mokomoko nalitwamanga mwomwo mwalyo. Oloze kaci nge nalifwa, nalisemunwina manona amavulu.

25 # Mateu 10.29; Mako 8.35; Luka 9.24. Ou mwazanga mwono wenyi mwaujimbalisa, oloze ou #Luka 14.26.mwahunga mwono wenyi hano hamavu mwaulamanga nakukuyoya cahaya myaka yosena.

26Kaci nge mutu mwanguzacilangAmi, angukavangizengAmi, #14.3; 17.24; Koli. 2, 5.8; Fwili. 1.23; Teso. 1, 4.17.kahoku ngwatwamAmi, kukiko vene mwakatwamanga namuka-kunguzacila nawa. Kaci nge mutu mwanguzacilangAmi, Tata mwakamutohwesa.

Mwanamutu kuvanga vamuzezule helu

27Jino #Mateu 26.38; Mako 14.34.mwono wami uli nakulyonyinga, kaha nangwamba ngwami ika? Ove Tata, acingulwile kulwolelu. Oloze lwolelu lukiko vene ngwejililile.

28Ove Tata, tohwesa lijina lyove. Kaha #Mateu 3.17; 17.5; Mako 1.11; 9.7; Luka 3.22; 9.35.mwilu mwafumine lizu ngwenyi, Lijina lyami ngwalitohwesa lyehi, kaha nangulitohwesa ceka nawa.

29Liyongomena lyavatu vemanyine kuze nakulivwa valyambile ngwavo, Vula yinalihumuna. Veka valyambile ngwavo, Kangelo nahanjika kuli ikiye.

30Yesu avakumbulwile ngwenyi, Lizu eli kalyejilile Amiko, oloze linejilenu.

31Jino #16.11.kuneza kuvapayisa vatu vahano hamavu, jino hinavamuhangamo #14.30; 16.11; Koli. 2, 4.4; Efwe. 2.2.mwangana wahano hamavu.

32KahAmi, nge #3.14; 8.28.navakakuzezula helu lyamavu nangukakokela vatu vosena kwiza kuli Ami Lyavene.

33Oloze ahanjikile ngoco nakuvuluka munacikapwa kufwa cize mwakafwa.

34Xikaho liyongomena lyavatu vamukumbulwile ngwavo, Etu tunevu kujiximbi ngwavo, #Samu 110.4; Isa. 9.7; Ezeke. 37.25; Ndanye. 7.14.Kulixitu mwakatwamanga nahaya myaka yosena. Kaha ngacilihi unambe ove ngwove, Mwanamutu kuvanga vakamuzezule helu? Nyi Ou Mwanamutuzeya?

35Yesu avakumbulwile ngwenyi, #7.33; 9.4.Kucili tando yayindende kaha naupwa musana muli enu. #Efwe. 5.8.Tambukenunga ximbu mucili namusana, kucina nakukamiwana milima, #Yowa. 1, 2.11.kahou mwatambuka mumilima katacikizokwo ali nakuyako.

Omu vakanyine vaYuleya kwitava

36Ximbu mucili namusana, witavilenu musana, mangana mupwe #8.12; Luka 16.8.muvana vamusana. Vyumevi Yesu avihanjikile, kaha afumine kuze #8.59.aliswekele mangana vahone kumumona.

37Oloze cipwe alingile #2.11.vinjikizo vyavivulu vipwahaze ngacize kumeso avo, cipwe ngoco kavamwitavilileko,

38mangana lizu lyakapolofweto Isaya lilumbunuke, eli ambile ngwenyi,

# Isa. 53.1; Loma 10.16. Ove Yehova, iyaze netavila mujimbu wetu?

Kaha livoko lyaYehova Unasoloka kuli iyaze?

39Hakiko vene vahonenene kwitava, mwomwo Isaya ambile ceka nawa ngwenyi,

40 # Isa. 6.10; Mateu 13.14-15. Navelavisa lyehi meso avo, nakaluhwisa lyehi micima yavo,

Kucina navakamona nameso avo nakutacikiza mumicima yavo,

Nakwalumuka ceka

Nguvahindule.

41Vyumevi Isaya avyambile, mwomwo #Isa. 6.1-5.amwene upahu wenyi, kaha #Luka 24.27.ahanjikile nakumuvuluka.

42Oloze cipwe ngoco, cipwe #7.48.kuli vakulwane nawa vavavulu vamwitavilile. Oloze kavamwitavilile kumeso avatuko, mwomwo #7.13.hali vaFwaliseu, #9.22; Luka 6.22.kucina navakavahanga #12.42:Tala 6.59.musunangonga.

43Mwomwo #5.41, 44.kuvatohwesa kuli vatu vacizangile cikuma, kuhambakana kuvatohwesa cakuli Kalunga, xikaho.

Mazu aYesu nawakavapayisa

44Kaha Yesu atambakanyine ngwenyi, #Mateu 10.40.Ou mwangwitavilAmi kexi kungwitavilAmiko, oloze #5.24.namwitavila Uze angutumine.

45 # 14.9. Ou angumonAmi namumono Uze angutumine.

46 # 1.4; 3.19; 8.12; 9.5. Ami nguneza nakupwa ngumusana hano hamavu, mangana wose mwangwitavila azeneke kutwama mumilima.

47Kaha kaci nge mutu mwevwa vihande vyami nakukana kuvilama, Ami kangwexi kumupayisako, mwomwo #3.17.cejile mangana ngwami, nguvapayise vaka-mavuko, oloze mangana ngwami, nguvalwile vakamavu.

48 # Luka 10.16. Ou mwanguleununa nakukana kwitavila vihande vyami, ali nawawa amupayisa vene. #5.45-47; 8.47; Luxi. 18.18-19.Mazu awa ngunahanjika, akiko vene nawakamupayisa #Mateu 10.15.halikumbi lyakukuminyina.

49Mwomwo Ami #3.11.calihanjikilile tuhuko, oloze Tata, Uze angutumine, Ikiye #14.31; 17.8.nanguhane luximbi, nomu nangwambulila, nomu nanguhanjikila.

50Kaha ngunatacikiza ngwami, luximbi lwenyi lwapwa kuyoya cahaya myaka yosena, xikaho vyumevi ngweji kuhanjikangAmi, mwanangulweze Tata, mwomwo vene ngweji kuhanjikilanga.

Currently Selected:

YOWANO 12: LUE70

Highlight

Copy