YOWANO 9

Yesu mwatonesa mutu asemukile kapuputa

1Omu apalikile kuze amwene mutu, ikiye apwilenga kapuputa kufumisa kukusemuka cenyi.

2Kaha tumbaji twenyi vamwihwile ngwavo, Ove Lapi, #Luka 13.2; Vili. 28.4; Ezeke. 18.20; Kulo. 20.5.iyaze avulumwine, ivene tahi? nyi visemi vyenyi, numba asemuke kapuputa?

3Yesu avakumbulwile ngwenyi, Cipwe ikiye kavulumwineko, cipwe visemi vyenyi, oloze capwa ngoco #11.4.mangana milimo yaKalunga yilumbunuke muli ikiye.

4Milimo yayaUze angutumine catela kuli etu kuyizatanga #11.9; 12.35; Ngale. 6.10.ximbu kucili musana, mwomwo kuli nakwiza ufuku, haukiko mutu naumwe pimbi mwahasa kuzata.

5Ximbu ngucili hano hamavu #1.4; 8.12; 12.46.ngumusana wavaka-mavu.

6Hakutulisa kuhanjika ngoco #Mako 7.33; 8.23.afwijilile hamavu, alingile kandambo nawaze maleji, amukwicile kaze kandambo hameso,

7kaha amwambile ngwenyi, Yako ukasane kucijiva cize vavuluka ngwavo, Xilowame (kucalumuna cinapu nge ngwavo, Wakutuma). Xikaho ayile, asanyine, akindulukile hanatono lyehi.

8Jino vaze alihacile navo, navaze vamumwenenga hakavanga nomu apwilenga nakulombalomba, valyambile ngwavo, Ou kumana kexi ikiye uze natwamenga nakulombalomba tahi?

9Vakwavo valyambile ngwavo, Ikiye vene. Oloze vakwavo valyambile ngwavo, Nduma, oloze nalifwane nenyi kaha. Ivene avambile ngwenyi, Yami vene.

10Kaha vamwihwile ngwavo, Kaha vanakutonesa ngacilihi kumeso ove?

11Ikiye avakumbulwile ngwenyi, Mutu uze vavuluka ngwavo, Yesu alinganga kandambo, angukwitangako hameso ami, kaha angwambanga ngwenyi, Yako kuXilowame ukasane. Ngoco ngwayanga, ngwasananga, kaha ngunatono.

12Vamwihwile ngwavo, Ali kulihi? Avambile ngwenyi, Catacikijileko.

VaFwaliseu navehwojola kutonesa kana

13Hinavamutwala uze apwile kapuputa kuli vaFwaliseu.

14Jino #5.9.likumbi lize lyapwile lyasambata, lize alingile Yesu kaze kandambo amutonesele kumeso enyi.

15Xikaho ceka nawa navaFwaliseu nawa vamwihwile ngwavo, Unatono ngacilihi? Avambile ngwenyi, Anguhakanga kandambo hameso ami, kaha ngwasananga, hikutona.

16Ngoco vaFwaliseu vamwe vambile ngwavo, Ou mutu kana kexi wakuli Kalungako, mwomwo kexi kujilila sambatako. Oloze vakwavo vambile ngwavo, Mutu kaci nge apwa muka-xili mwahasa ngacilihi kulinga vinjikizo vipwaha ngana? Kaha #6.52; 7.43; 10.19.valihandunwine.

17Hinavamwamba ceka uze kapuputa ngwavo, Ove naumuvuluka ngacilihi omu nakutonesa lyehi ku meso ove? Avakumbulwile ngwenyi, #Mateu 21.11.Ikiye kapolofweto.

18Jino vaYuleya kavamwitavile ngwavo, apwile kapuputa vanamutonesako, kuvanga nomu vasanyikile visemi vyayauze vanatonesa,

19kaha vavehwile ngwavo, Ou mwanenu tahi? enu ngwenu, asemukile kapuputa. Kaha jino natono ngacilihi?

20Visemi vyenyi vavakumbulwile ngwavo, Tunatacikiza ngwetu, Ou mwanetu vene, ngwetu, asemukile kapuputa.

21Oloze omu natonena jino katwatacikijilemoko, cipwe ou namutonesa etu katwamwijivileko. Mwihulenu ivene, nakulu lyehi, ikiye mwalihanjikila ivene.

22Mazu awa visemi vyenyi vawahanjikile #7.13.hakwivwa woma wavaYuleya, mwomwo vaYuleya valivwasanyine lyehi ngwavo, Kaci nge mutu mwamwitavila ngwenyi, Ikiye Kulixitu, #12.42; 16.2; Luka 6.22.natumuhanga mutu kana #9.22:Tala 6.59.musunangonga, xikaho.

23Hoho vene vambilile visemi vyenyi ngwavo, Nakulu lyehi, mwihulenu ivene.

24Ngoco Vamusanyikile kamucivali uze mutu apwile kapuputa, vamwambile ngwavo, Mutohwese Kalunga, etu tunatacikiza ngwetu, mutu kana ikiye muka-xili.

25Jino avakumbulwile ngwenyi, Nge napu muka-xili Catacikijileko. Ngunatacikiza cuma cimwe kaha ngwami, ami ngwapwanga ngukapuputa, oholyapwa nguli nakumona jino.

26Kaha vamwihwile ngwavo, Akulinganga muka? Nakutonesa ngacilihi kumeso ove?

27Avakumbulwile ngwenyi, Ngunamilweze lyehi, kaha kamwevwileko nawa. Nyi ika namusakila kwivwa ceka? Nenu nawanyi namusaka ngwenu, mupwenga mutumbaji twenyi numba?

28Kaha vamutukanyine ngwavo, Ove ukambaji kayauze, oloze etu #5.45.tutumbaji twaMose.

29Etu tunatacikiza ngwetu, Kalunga ahanjika kuli Mose, oloze mutu ou katwatacikizoku afumako.

30Uze mutu avakumbulwile ngwenyi, Ehe! oco cuma cakukomwesa, mwomwo enu munahono kutacikizoku afuma, oloze nangutonesa lyehi kumeso ami.

31Tunatacikiza ngwetu, #Samu 34.15-16; 66.18; 145.19; Vixi. 15.29; 28.9; Isa. 1.15.Kalunga kexi kwivwilila vaka-xiliko, oloze ngwetu, kaci nge mutu amwivwa Kalunga woma nakulinga mwaya mucima wenyi, mwamwivwilila ikiye.

32Kufumisa kukuputuka camyaka kanda vevwe lyehi mutu natonesa meso amukwavo asemukile kapuputa.

33Mutu ou, #3.2.kaci kapwanga wakuli Kalungako, kaci kahaxile kulinga cuma cimweko.

34Vamukumbulwile ngwavo, Ove wasemukile mumilonga yaxili lika, kahove ngwove, utunanguletu? Kaha vamuhangile mukaci kavo.

Upuputa wakunuicima

35Yesu evwile ngwavo, vanamuhange lyehi mukaci kavo, kaha hakumuwana ceka amwihwile ngwenyi, Ove unamwitavila MwanaKalunga tahi?

36Ikiye amukumbulwile ngwenyi, Ove Mwata, Ikiyeyaze numba nguli! witavile?

37Yesu amwambile ngwenyi, Unamumono lyehi, kaha nawa #4.26.yami vene nguli nakuhanjika nove.

38Ikiye amwambile ngwenyi, Ove Mwata, ngunetava. Kaha alifukwile kuli Ikiye.

39Yesu ambile ngwenyi, Ami nguneza hano hamavu mangana #5.27; 3.19.ngusopese vatu, manganava vahona kumona vamonenga, kaha manganava veji kumonanga #Mateu 13.13; 15.14.vapwenga tupuputa.

40Vaze vaFwaliseu vapwile nenyi vamwe vevwile mazu awa, kaha vamwihwile ngwavo, Kumana, #Loma 2.19.nayetu nawa tutupuputa numba?

41Yesu avambile ngwenyi, #15.22, 24.Mwapwanga mutupuputa kaci kamwapwile namulongako. Oloze jino mweji kwambanga ngwenu, #Vixi. 26.12.Tweji kumona, mulonga wenu wape.

Currently Selected:

YOWANO 9: LUE70

Highlight

Copy