YOWANO 8
8
1Oloze Yesu ayile kupili yaMilive.
2Nacimenemene ejile ceka kutembele, kaha vatu vosena vejile kuli Ikiye, kaha atwamine avanangwile.
3Vaka-kusoneka navaFwaliseu hinavaneha pwevo vawanyine ali nakulinga ujila. Vamwimikile mukaci,
4hikumwamba Yesu ngwavo, Ove muka-kunangula, uno pwevo vanamuwane ali nakulinga ujila, hahaze vene apwanga nakulinga.
5Jino #Levi 20.10; Luxi. 22.22-23.kujiximbi Mose atulwezele ngwenyi, vatu vangoco vakavase malolwa. Oloze ove kwove nawamba ngwove ika?
6Vahanjikile ngoco #Mateu 16.1; 19.3; 22.18, 35; Mako 10.2; 12.15; Luka 10.25; 11.16.nakumweseka, mangana ngwavo, vamone hakumuhanyina mulonga. Oloze Yesu anongamine, asonekele namunwe wenyi hamavu.
7Oloze omu vatwalileho nakumwihula, olokele, avambile ngwenyi, #Mateu 7.1; Loma 2.1.Ou azeneka kuvulumuna mulonga waxili muli enu alivange kumwasa lilolwa.
8Kaha anongamine ceka, asonekele namunwe wenyi hamavu.
9Vakivo hakucivwa valovokele umwe naumwe, vakulivanga vakulwane nakutwala kuli vakukuminyina. Kaha Yesu asalile uka wenyi, nauze pwevo nawa hanga nemanyina lwi mukaci.
10Yesu olokele, amwihwile ngwenyi, Ove pwevo, vavalihi? naumwe pimbi nakupayisa tahi?
11Uze pwevo amukumbulwile ngwenyi, Naumwe pimbi, Ove Mwata. Yesu amwambile ngwenyi, NayAmi nawa kangwexi kukupayisako. Yakonga, kaha kufuma kulelonyi #5.14.kanda ukavulumuna cekako.
Yesu Ikiye Musana wavaka-mavu
12Kaha Yesu ahanjikile ceka kuli vakivo ngwenyi, #9.5; 12.35; 1.4.Ami yami musana wavaka-mavu. #Mateu 5.14.Ou mwangukavangizangAmi kexi kwiza kukatambuka mumilimako, oloze mwatwamanga namusana wakuyoya.
13Xikaho vaFwaliseu vamwambile ngwavo, #5.31.Ove uli nakulivulukove lyavene naunjiho wove, unjiho wove kawexi wamucanoko.
14Yesu avakumbulwile ngwenyi, #18.37; Kuso. 1.5; 3.14.Cipwe nge Ami nguli nakulivulukAmi lyavene naunjiho wami, oloze unjiho wami unapu wamucano. Mwomwo ngunatacikizoku #13.3; 16.28.ngwafumine, noku nanguya, oloze enu kamwatacikijile oku ngwafumine noku nanguyako.
15Enu #7.24.mweji kusopanga nakutwala mwaya cisemwa cahamavu. Ami #3.17.kangwexi kusopesa mutuko.
16Mwomwo vene, kaha #5.30.kaci nge Ami nangusopesa, cipwe ngoco kusopesa cami nacipwa camucano, mwomwo kangwexi uka wamiko, oloze nayAmi naTata angutumine.
17Mwomwo vene, nakujiximbi jenu vasoneka nawa ngwavo, #Luxi. 19.16; 17.6; Mateu 18.16.Unjiho wavatu vavali unapu wamucano.
18Ami yami ngweji kulivulukangAmi lyavene naunjiho wami, kaha #5.37; Yowa. 1, 5.9.naTata nawa angutuma eji kunguvulukanga naunjiho wenyi nawa.
19Xikaho vamwihwile ngwavo, Iso ali kulihi? Yesu avakumbulwile ngwenyi, Kamwatacikiza cipwe Ami cipwe Tatako. #14.7.Kaci mwangutacikizangAmi kaci munamutacikiza Tata nawa.
20Mazu awa awahanjikilile #Mako 12.41.muze mwakulamina vikumba, omu apwile nakunangula vatu mutembele. Kaha mutu naumwe pimbi amukwacile, mwomwo #7.30.lwola lwenyi lwapwile kanda lucihete, xikaho.
Kuze nanguyAmi enu kamwexi kukahasa kuyakoko
21Kaha avambile ceka ngwenyi, Ami nangukaya, kaha #7.34.namukangutonda, kaha namukafwa muxili yenu. Kuze nanguyAmi enu kamwexi kukahasa kuyakoko.
22 #
7.35. Jino vaYuleya valyambile ngwavo, Mwakalijiha tahi? mwomwo nambe ngwenyi, Kuze nanguyami enu kamwexi kukahasa kuyakoko.
23Avambile ngwenyi, #3.31.Enu muvamuxi, Ami nguwamwilu. #Yowa. 1, 4.5.Enu muvahano hamavu, #17.14, 16.Ami kangwexi nguwahano hamavuko.
24Xikaho ngwamyambanga ngwami, Namukafwa mumilonga yenu yaxili, mwomwo kuvanga munetava ngwenu, #v. 28; 4.26; 13.19; Mako 13.6.yami vene, mokomoko namukafwa mumilonga yenu yaxili.
25Jino vamwihwile ngwavo, Ove yoveyaze? Yesu avambile ngwenyi, Yami venyOu ngunamilwezenga kufumisa kukuputuka.
26Nguli navyuma vyavivulu kuli enu vyakuhanjika nakumipayisa, oloze #7.28.Uze angutumine apwa wamucano, kahAmi, #12.49; 15.15.vyuma kana ngwevwile kuli Ikiye, vikiko vene ngweji kuvihanjikanga kuli vaka-mavu.
27Kavatacikijile ngwavo, hakuhanjika kuli vakivo apwile nakuvuluka Iseko.
28Kaha Yesu avambile ngwenyi, Omu #3.14; 12.32.namukamuzezula Mwanamutu helu numbanyi mukatacikize ngwenu, yami vene, kaha #5.19.kangwexi nakulilingila tuhu cuma nacimweko, oloze nganomu angunangula Tata, mukiko vene mungweji kuhanjikilanga vyumevi.
29Kaha Uze angutumine ali nayAmi hamwe. #v. 16; 16.32.Kangusezele uka wamiko, mwomwo makumbi osena #4.34.Ami ngweji kulinganga vyumevi vyakumwivwisa kuwaha, xikaho.
30Omu ahanjikile vyumevi, #7.31; 10.42; 11.45.vavavulu vamwitavilile.
Mucano naukamilingisa kupwa muvana vavisemi
31Xikaho Yesu avambile vaYuleya vaze vamwitavilile ngwenyi, #15.8; Yowa. 2, v. 9.Kaci nge enu namutwamanga mumazu ami, kaha mwamucano mutumbaji twami vene,
32kaha mucano namukautacikiza, kaha #v. 36; Loma 8.2; Koli. 2, 3.17; Ngale. 5.1, 13; Yako. 2.12; Petu. 1, 2.16mucano naukamilingisa kupwa muvana vavisemi.
33Vamukumbulwile ngwavo, Etu #Mateu 3.9.tuvaka-tanga yaApalahama, kumyaka yosena kanda tuhetuwe muundungo kuli mutu. Numba ngacilihi nawambove ngwove, Namukalinga kupwa muvana-vavisemi?
34Yesu avakumbulwile ngwenyi, Camwenemwene, camwenemwene, nangumilweza ngwami, #Loma 6.16; Petu. 2, 2.19.Woseji kulinganga vyuma vyaxili ikiye ndungo yaxili.
35 #
Kupu. 21.10; Ngale. 4.30. Ndungo kexi kutwamanga muzuvo nahaya myaka yosenako, oloze mwana-kacisemi mwatwamanga nahaya myaka yosena.
36Xikaho kaci nge MwanaKalunga mwamilingisa kupwa muvana-vavisemi, kaha namupwanga muvana-vavisemi vene.
37Ngunatacikiza ngwami, mwapwa muvaka-tanga yaApalahama, oloze #7.1.mweji kusakanga ngwenu, mungujihe, mwomwo mazu ami kawexi nakutwama muli enuko, xikaho.
38Evi ngwamonAmi kuli Tata vikiko vene evi ngweji kuhanjikanga, kahenu nawa ovyo mwevwa kuli senu vikiko vene ovyo mweji kulinganga.
Senu liyavolo
39Vamukumbulwile ngwavo, Setu ivene Apalahama. Yesu himwavamba ngwenyi, #Loma 9.7; Ngale. 3.7.Mwapwanga muvana vaApalahama kaci muli nakulinga vilinga vyaApalahama.
40Oloze makumbi ano mweji kusakanga ngwenu, mungujihe, Ami mutu ngunamyambulila mucano ou ngwevwa lyehi kuli Kalunga. Apalahama kalingile ngocoko.
41Enu mweji kulinganga vilinga vyasenu. Vamwambile ngwavo, Etu katwasemukile muujilako, #Luxi. 32.6; Isa. 63.16; 64.8.tuli naSetu umwe kaha, Ivene Kalunga.
42Yesu avambile ngwenyi, Kaci Kalunga apwanga Senu, #Yowa. 1, 5.1.kaci munanguzange, mwomwo yami Uno #13.3; 16.28, 30; 17.8.ngwafumine kuli Kalunga, xikaho. Mwomwo cipwe hakwiza #7.28.kangwalijilile tuhuko, oloze #3.17.Ikiye angutumine.
43Kuhanjika cami cinahonena ika kumilumbunukila? Mwomwo kamwahasa kwivwa mazu amiko, xikaho.
44Enu mwapwa #Yowa. 1, 3.8, 15; Mateu 13.38.muvakuli senu liyavolo, kaha vyavipi vize afwila senu vikiko vene evi mwazangenu kulinganga. #Kupu. 3.4; Yowa. 1, 2.4.Kufumisa kukuputuka ikiye muka-kujiha vatu, kemana mumucanoko, mwomwo muli ikiye mucano waucimo, xikaho. Hexoho mwahanjikila kwonga mwahanjika mwenyi atwala, mwomwo ikiye muka-kwonga, ikiye ise yaco.
45Oloze mwomwo Ami ngweji kuhanjikanga mucano, xikaho enu kamwexi kungwitavako.
46Muli enu muli mutu muka mwangupayixila haxili? Kaci nge #18.37.ngweji kuhanjikanga mucano, nyi enu munakanyina ika kungwitava?
47 #
Yowa. 1, 4.6. Ou apwa wakuli Kalunga mwevwa mazu aKalunga. Hoho vene munazenekelenu kuwevwa, #10.26.mwomwo kamwexi muvakuli Kalungako, xikaho.
Ximbu apwile Apalahama kanda acisemuke, Ami ngwapwa
48VaYuleya vamukumbulwile ngwavo, Etu katwambile mwamwenemweneko numba? ngwetu, Ove ukaSamaliya, ngwetu, #7.20; 10.20.uli nandemone.
49Yesu avakumbulwile ngwenyi, Ami kangwexi nandemoneko, oloze ngweji kumuvumbikanga Tata, kahenu mweji kungufwefululanga.
50Oloze Ami kangwexi kusaka ngwami, vangutohweseko. Kwali Ou acisaka, eji kuyulanga.
51Camwenemwene, camwenemwene, nangumilweza ngwami, Kaci nge mutu mwalamanga mazu ami kexi kwiza kukamona kufwako nahaya myaka yosena.
52VaYuleya vamwambile ngwavo, Jino tunatacikiza ngwetu, uli nandemone vene. Apalahama afwile, navapolofweto nawa, kahove ngwove, Nge mutu mwalamanga mazu ami kexi kwiza kukamona kufwako nahaya myaka yosena.
53 #
4.12. Ove unamuhambakana setu Apalahama numba? uze afwile, navapolofweto nawa vafwile, ove walivuluka kupwa ngwove, yoveyaze?
54Yesu avakumbulwile ngwenyi, Kaci nge Ami nangulitohwesAmi lyavene, kaha kutohwa cami cinapu camokomoko. Tata Ikiye vene Muka-kungutohwesa, Uze munavulukenu ngwenu, Ikiye Kalunga ketu.
55Oloze kamwamutacikijileko, oloze Ami ngwamutacikiza, kaha kaci nangwamba ngwami, Kangwamutacikizako, kaha nangupwa ngumuka-kwonga nge omu mwayenu. Oloze ngwamutacikiza, kaha mazu enyi ngweji kuwalamanga.
56Senu Apalahama akinyinyinyine #Mateu 13.17; Hepe. 11.13.hakumona likumbi lyami, alimwene, kaha awahililile.
57Jino vaYuleya vamwambile ngwavo, Ove kanda uhete namumyaka makumi atanu, kaha wamumona lyehi Apalahama numba?
58Yesu avambile ngwenyi, Camwenemwene, camwenemwene, nangumilweza ngwami, Ximbu apwile Apalahama kanda acisemuke, #1.1; 17.5, 24; Kulo. 3.14.Ami ngwapwa.
59Xikaho #10.31; 11.8.vanonele malolwa mangana ngwavo, vamwase, oloze Yesu aliswekele, alovokele mutembele.
Currently Selected:
YOWANO 8: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
