YOWANO 7
7
1Vyumevi hakukuma, Yesu atambwojokelenga muNgalileya, mwomwo kazangile kutambwojoka ceka muYuleyako, mwomwo #5.18; 8.37, 40; 11.53.vaYuleya vasakilenga ngwavo, vamujihe, xikaho.
2Kaha ciwanyino cavaYuleya capwile kwakamwihi, #Levi 23.34; Luxi. 16.16; Zeka. 14.16-19.cize cavisakila.
3Jino #Mako 3.21, 31; Mateu 12.46.vandumbwenyi vamwambile ngwavo, Fuma kuno, yako kuYuleya, mangana natumbaji twove nawa vakamone vilinga vyove evi weji kulinganga.
4Mwomwo kaci nge mutu nasake ngwenyi, asoloke musana weye, kakwexi umwe mwalingila cuma kupengeko. Nge weji kulinganga vyumevi, lisolole kuli vatu vosena.
5Mwomwo cipwe vandumbwenyi kavamwitavilileko, xikaho.
6Ngoco Yesu avambile ngwenyi, #2.4; 7.30; Mateu 26.18.Likumbi lyami kanda licihete, oloze enu, makumbi osena anapu makumbi enu.
7 #
15.18-21. Vaka-mavu kavexi kuhasa kumihungenuko, oloze Aminyi vanguhunga, mwomwomwo Ami ngweji kuvasopololanga naunjiho wami ngwami, #3.19-20.vilinga vyavo vyavipi, xikaho.
8Enu kandukenu tuhu kuciwanyino kana, oloze Ami kangwexi kukandukoholili kuciwanyino eciko, mwomwo likumbi lyami kanda licitemo, xikaho.
9Hakukumisa kuhanjika mazu awa kuli vakivo, atwamine tuhu kuNgalileya.
Yesu mwasoloka kuciwanyino cavisakila
10Oloze omu valingile vandumbwenyi hivanakanduka lyehi kuciwanyino, numbanyi naikiye nawa akandukeko, oloze kayile musana weyeko, oloze ayililile kutenga kaha.
11Kaha vaYuleya #11.56.vamutondelenga kuciwanyino, valihwojwele ngwavo, Ali kulihi?
12Kaha #v. 40-43.kumayongomena vapwile nakutatwoka cikuma nakumuvuluka. Vamwe valyambile ngwavo, Ikiye wamwenemwene. Veka valyambile ngwavo, Nduma, ali nakuvahungumwisa vatu.
13Oloze mutu naumwe pimbi amuvulukilile hatoma, mwomwo #19.38; 20.19; 9.22; 12.42.vevwile woma wavaYuleya, xikaho.
14Oloze hakuheta kafwe hakaci kamakumbi aciwanyino, Yesu akandukile, engilile mutembele, anangwile vatu.
15Kaha vaYuleya valikomokelelenga ngwavo, Ou mutu kana natacikiza ngacilihi jisona cakuzeneka kumunangula?
16Xikaho Yesu avakumbulwile ngwenyi, Kunangula cami kacexi cayAmiko, oloze cayaUze angutumine.
17 #
Samu 25.9, 14; Ndanye. 12.10. Kaci nge mutu mwazanga ngwenyi, alingenga mwaya mucima wenyi, kaha mwatacikiza mwaya kunanguleci, numba nge cafuma kuli Kalunga nyi Ami ngweji kulihanjikilanga tuhu.
18Ou mwalihanjikila tuhu nasake ngwenyi, #5.41; 8.50, 54.alitohwese ivene, oloze ou nasake ngwenyi, amutohwese Uze amutumine, ikiye wamucano, kaha muli ikiye kamwexi kuhengako.
19 #
1.17. Jiximbi Mose ikiye amihanyinejo nyi? Oloze kuli enu kakwexi umwe eji kulinganga mwaya Jiximbiko. Ikaze mweji kusakilanga ngwenu, mungujihe?
20Liyongomena vamukumbulwile ngwavo, #8.48; 10.20; Mateu 11.18; Mako 3.22.Uli nandemone. Iyaze nasake ngwenyi, akujihe?
21Yesu avakumbulwile ngwenyi, #5.2-9, 16.Ngwazatanga mulimo umwe kaha, kaha muvosena muli nakulikomokelawo.
22 #
Levi 12.3. Mose namihane kujihana (kexi nge cafumine kuli Moseko, oloze #Kupu. 17.10; 21.4; Vili. 7.8.kuli vakakuluka), kaha halikumbi lyasambata mweji kujihana mutu.
23Kaci nge navajihana mutu hasambata kucina kuzomboka Luximbi lwaMose, kumana, namungutenukilAmi mwomwo ngunahindula mutu wosena walambwe hasambata?
24 #
8.15; Levi 19.15; Isa. 11.3; Zeka. 7.9. Kanda muyula hakutala nameso kahako, oloze yulenunga naciyulo cakwoloka.
You vene Kulixitu tahi?
25Xikaho vaka-Yelusalema vamwe valyambile ngwavo, You vene vanasake ngwavo, vajihe nyi?
26Ivwenu, ali nakuhanjika musana weye, kaha kavexi kumwamba lizu limweko. Kwiji, vakulwane vanatacikiza mwamucano ngwavo, you vene Kulixitu tahi?
27Oloze ou #v. 41; 6.42; 9.29.tunatacikizoku afuma, oloze hakwiza Kulixitu mutu naumwe pimbi mwakatacikizoku nafumu.
28Xikaho Yesu atambakanyine mutembele omu apwile nakunangula vatu ngwenyi, NayAmi munangutacikiza, kaha munatacikiza noku ngwafuma nawa, kaha nawa #8.42.kangwalijilile tuhuko, oloze Uze angutumine Ikiye wamucano, Ou vene munahono enu kutacikiza.
29 #
8.55; 17.25; Mateu 11.27. Ami ngunamutacikiza, mwomwo ngunafumu kuli Ikiye, kaha #3.17.Ikiye angutumine.
30Xikaho #v. 44; 10.39; Mako 12.12. vasakile ngwavo, vamukwate, oloze mutu naumwe pimbi amunangikile livoko lyenyi, mwomwo #8.20.lwola lwenyi lwapwile kanda lucihete, xikaho.
31Oloze kuliyongomena kwapwile #8.30; 10.42; 11.45; 12.11, 42.vavavulu vamwitavilile, valyambile ngwavo, Omu mwakeza Kulixitu mwakalinga vinjikizo vyavivulu kuhambakanevi nalingi Ou numba?
Navatuma maswalale ngwavo, vamukwate Yesu
32VaFwaliseu vevwile ngwavo, vatu vali nakutatwoka vyumevi nakumuvuluka, kaha vapilixitu vavalemu navaFwaliseu vatumine maswalale javo ngwavo, vamukwate.
33Xikaho Yesu avambile ngwenyi, #8.21; 12.35; 13.33; 14.19; 16.16-19.Kucili tando yayindende kaha nguli nayenu hamwe, numba nguye kuli Uze angutumine.
34 # v. 36; 8.21; 13.33. Namukangutonda, oloze kamwexi kukanguwanako, kaha kuze nangukapwAmi enu kamwexi kukahasa kuyakoko.
35Ngoco vaYuleya valihwojwele ngwavo, Ou mwasaka kuya kulihi numbetu tuhone kumuwana? Mwasaka kuya kuli #Yako. 1.1; Petu. 1, 1.1.vaze vanalimwangila muli vaHelase nakuvanangula vaHelase tahi?
36Nyi olyo lizu kana linayi muka, lyakwamba ngwenyi, Namukangutonda, oloze kamwexi kukanguwanako? kaha nawa ngwenyi, Kuze nangukapwAmi, enu kamwexi kukahasa kuyakoko?
Tulwiji vameya akuyoya
37Jino #Levi 23.36; Kula. 29.35.halikumbi lyakukuminyina, lize vene lyaciwanyino lyalinene, Yesu emanyine, atambakanyine ngwenyi, #4.10, 14; 16.35.Kaci nge kuli mutu nevu lipwila, eze kuli Ami anwe.
38Ou mwangwitavila, mujimo lyenyi namukalovokanga tulwiji vameya akuyoya, #Isa. 44.3; 55.1; 58.11.nganomu anayi Mazuvasoneka.
39Oloze ahanjikile ngoco nakumuvuluka #1.33; Yowe. 2.28.Xipilitu, Ou naveza vakakumwitavila Yesu kutambula, mwomwo haze #Vili. 1.4-5; 2.4, 33.Xipilitu apwile kanda acize, mwomwo Yesu apwile #12.16, 23; 13.31-32; 16.14; 17.1.kanda acingile muupahu wenyi, xikaho.
Vatu hinavalihandununa
40Jino kuliyongomena vamwe hakwivwa mazu awa vaiyambile ngwavo, Mwamucano vene ou #1.21; Mateu 21.11.you vene uze kapolofweto.
41Veka valyambile ngwavo, Ou you vene Kulixitu. Oloze vamwe valyambile ngwavo, Kumana, Kulixitu mwafuma kuNgalileya numba?
42KuMazu-vasoneka kavambako numba? ngwavo, Kulixitu mwakafuma #Mateu 1.1; Samwe. 2, 7.12-15.kutanga yaNdavici, #Mika 5.2; Luka 2.4.nakuMbetelema, kwimbo lize apwilenga Ndavici.
43Kaha muli vatu mwasolokele #9.16; 10.19.kuhandunuka hali Ikiye.
44Kaha vakwavo vamwe #v. 30; 10.39.vasakile ngwavo, vamukwate, oloze mutu naumwe pimbi amunangikile mavoko enyi.
Mutu naumwe pimbi ahanjika lyehi nganomu mwahanjika mutu uze
45Jino vaze maswalale vahilukile kuli vapilixitu vavalemu navaFwaliseu. Kaha vakivo vavehwile ngwavo, Ikaze munazenekela kwiza nenyi?
46Vaze maswalale vavakumbulwile ngwavo, #Mateu 7.28-29.Kumyaka yosena mutu naumwe pimbi ahanjika lyehi nge omu mwahanjika mutu Uze.
47Kaha vaFwaliseu vavakumbulwile ngwavo, Nayenu nawa vanamihungumwisa tahi nyi?
48Kuli #12.42.vakulwane cipwe kuli vaFwaliseu kuli umwe namwitavila numba?
49Oloze ava vatu kana vahona kujitacikiza Jiximbi vapwa vakwangula.
50 #
3.1; 19.39. Nyikotemu (uze ayile kuli Ikiye hakulivanga, apwile minavo) avehwile ngwenyi,
51 #
Kulo. 23.1; Luxi. 17.6; 19.15; Vixi. 18.13. Kujiximbi jetu veji kupayisanga tuhu mutu numba? ngwetu, kuvanga vanamwivwilila ivene nakutacikizomu alinga nyi?
52Vamukumbulwile ngwavo, Nayove nawa uwakuNgalileya numba? Talatala mumukanda umone, mwomwo kuNgalileya kakwexi kufuma kapolofwetoko.
Pwevo uze vawanyine ali nakulinga ujila
53Kaha vayile mutu kuzuvo yenyi mutu kuzuvo yenyi.
Currently Selected:
YOWANO 7: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
