YOWANO 6
6
Yesu mwalisa vatu makombakaji atanu
(Mateu 14.13-21; Mako 6.30-44; Luka 9.10-17)
1Vyumevi hakukuma Yesu afumine kuze, ayile musali yacijiva cakuNgalileya, cize cakuCivelya.
2Kaha kwamukavilenga liyongomena lyalinene, mwomwo vamwene #2.11.vinjikizo vize alingilenga hali vakakuviza, xikaho.
3Yesu akandukile hapili, atwamineho natumbaji twenyi hamwe.
4Jino paseka yapwile kwakamwihi, cikiko vene ciwanyino cavaYuleya.
5Yesu andwile meso enyi, amwene liyongomena lyalinene lili nakwiza kuli Ikiye, himwehula #1.43; 12.21.Fwilipu ngwenyi, Kulihi natulanjila jimbolo manganava valyenga?
6Ahanjikile ngoco nakumweseka, mwomwo Ivene atacikijile mumwasaka kulinga.
7Fwilipu amukumbulwile ngwenyi, Jimbolo jakulanda #6.7:Ndenali yimwe yapwile kafwe sikisi natiki.najindenali makulukaji avali kajexi kuvazukisa numba mutu himutu atambule kamweko.
8Kambaji kenyi umwe, ou ndumbwaXimona Petulu #1.40; 12.22.Andelei, himwamwamba ngwenyi,
9Kuno kuli mukweze ali najimbolo jambale jitanu #21.9-13.navaixi vavali, oloze evi navipwa muka navatu vavavulu vapwaha ngana?
10Yesu avambile ngwenyi, Valwezenu vatu vasendavale. Kuze kwapwile mwila wauvulu. Ngoco vaze malunga vasendavalile, kuvula cavo cahetele kafwe mumakombakaji atanu.
11Kaha jize jimbolo kana Yesu ajitambwile, kahomu alingile hanasakwilila lyehi ajipangilile kuli vaze vasendavalile, navaze vaixi nawa mwexomwo vasakilile.
12Vakivo omu vekucile, himwavamba tumbaji twenyi ngwenyi, Vihandevi vanasezeho vikungululenu, kucina nakujimbala cimwe.
13Vavikungulwile, vazalixile jimbango likumi najivali navihanda vyajize jimbolo jambale jitanu, vize vasezeleho vaze valile.
14Xikaho vatu vaze hakumona cinjikizo cize alingile valyambile ngwavo, Mwamucano vene, ou you vene #1.21; Mateu 11.3; 21.11.kapolofweto uze wakwiza hamavu.
15Jino Yesu hakutacikiza ngwenyi, vatu vanasake kwiza nakumukwata nangolo mangana ngwavo, #18.36-37.vamulingise kupwa mwangana, afumine ceka kuze, #6.3; 18.36.ayile kupili kwauka wenyi.
Yesu mwatambuka helu lyameya amucijiva
(Mateu 14.22-27; Mako 6.45-52)
16Hakulembalemba calikumbi, tumbaji twenyi vaxikumukile kucijiva.
17Vengilile muwato. Kaha vapwile nakuzauka Cijiva nakuya kuKapelenau. Kwapwile hikunelava lyehi wi, kaha Yesu apwile kandeze kuli vakivo.
18Makimba apwile nakukatuka kucijiva, mwomwo kwahuhwile peho yayinene, xikaho.
19Jino omu valingile hivanavuu lyehi nakuhambakana #6.19:Masatela atanu naawana apwile kafwe maili yimwe. Masatela atanu nalimwe apwile kafwe kilometa yimwe.masatela kafwe makumi avali namasatela atanu, nyi makumi atatu ngana, vamumwene Yesu ali nakutambuka helu lyameya amucijiva nakupandama kuwato, kaha vevwile woma.
20Oloze Ikiye avambile ngwenyi, Yami vene, #Mateu 14.27.kanda mwivwa womako.
21Xikaho vetavile kumwitavila muze muwato, kaha linwomu vene wato hiunahete lyehi kutunda kuze vapwile nakuya.
Vatu navamusaka Yesu
22Lize liyongomena lyemanyine musali yacijiva, hakuca venjikijile ngwavo, Kakwapwanga wato wekako xina umwe kaha, kaha ngwavo, Yesu kengilile natumbaji twenyi hamwe muwato uzeko, oloze tumbaji twenyi vakatukanga kuze uka wavo.
23(Oloze kwafumine mato eka akuCivelya nakwiza kanda kuze valililile jize jimbolo omu alingile #Luka 7.13.Mwata hanasakwilila lyehi.)
24Lize liyongomena hakumona ngwavo, Yesu wauciko, natumbaji twenyi nawa hipimbi, navakivo nawa vengilile mumato aze, vayile kuKapelenau nakumutonda Yesu.
Yesu Ikiye kulya cakuyoya
25Omu vamuwanyine musali yacijiva, vamwihwile ngwavo, Ove #6.25:Tala 1.38.Lapi, mwaka uka wezanga kuno?
26Yesu avakumbulwile ngwenyi, Camwenemwene, camwenemwene, nangumilweza ngwami, Kamwangutondelele mwomwo hakumona #v. 2, 14, 30.vinjikizoko, oloze mwomwo mwalyanga kujize jimbolo mwekutanga, xikaho.
27 #
Isa. 55.2. Kanda mukilikicila kulyeci cakunongako, oloze kilikicilenu kulya kana nacililanga nakukuyoya cahaya myaka yosena, eci vene mwamihana Mwanamutu, mwomwo you vene vanahake katacikijilo kuli Ise Kalunga, xikaho.
28Kaha vamwihwile ngwavo, Natulinganga ika mangana tuzatenga milimo yaKalunga?
29Yesu avakumbulwile ngwenyi, #Teso. 1, 1.3; Yowa. 1, 3.23.Milimo yaKalunga yeyi vene, yakwitavenu kuli Ou #3.17.atumine Ikiye.
30Jino vamwihwile ngwavo, Kaha cuma cika mulingOve kupwa #Mateu 12.38; Mako 8.11.cinjikizo, mangana tucimone tukwitavile? Nauzata ika?
31 #
Kulo. 16.21; Kula. 11.7-9. Vakakuluka jetu valilenga mana mupambo, nge muze vasoneka ngwavo, #Nehe. 9.15; Samu 78.24; 105.40; Kulo. 16.4, 15.Avahanyine kulya cakufuma mwilu valyenga.
32Yesu avambile ngwenyi, Camwenemwene, camwenemwene, nangumilweza ngwami, Kapwile Mose uze amihanyine kulya cize cakufuma mwiluko, oloze Tata mwamihana kulya camucano eci cakufuma mwilu.
33Mwomwo kulya cakuli Kalunga ceci vene #v. 41, 50.cakufuma mwilu nakuhana kuyoya kuli vaka-mavu.
34Xikaho vamwambile ngwavo, Ove Mwata, #4.15.oco kulya kana tuhanengaco makumbi osena.
35Yesu avambile ngwenyi, #v. 48-50.Ami yami kulya kana cakuyoya. Ou mweza kuli Ami kexi kukevwa ceka zalako, kahou mwangwitavilAmi #4.14.kexi kwiza kukevwa ceka lipwilako.
36Oloze ngwamyambanga ngwami, #v. 26.Munangumono lyehi, oloze cipwe ngoco kamwetavileko.
37 # v. 39; 17.2, 24. Cexoco mwanguhana Tata naciza kuli Ami, kahou mweza kuli Ami kangwexi kumuhangako.
38Mwomwo #3.13.hakufuma mwilu #4.34; 5.30; Mateu 26.39.kangwakavile kulinganga mwaya mucima wamiko, oloze mwaya mucima wayaUze angutumine.
39Kaha mukiko vene mwaya mucima wayaUze angutumine ngwenyi, #17.12; 18.9.kuvyuma vyosenovyo nanguhane kanda ngukajimbalisako cimweko, oloze ngwenyi, ngukacisangule halikumbi lyakukuminyina.
40Mwomwo mukiko vene mwaya mucima waTata ngwenyi, wose mwamona Mwanenyi #3.16.nakumwitavila atwamenga nakuyoya cahaya myaka yosena, kahAmi #v. 44, 54; 5.29; 11.24.nangukamusangula halikumbi lyakukuminyina.
41Xikaho vaYuleya vamutatwokesele mwomwo ambile ngwenyi, Ami yami kulya kana cakufuma mwilu.
42Valihwile ngwavo, #Luka 3.23; 4.22.Ou kexi you Yesu mwanaYosefweko numba? ukweci ise nanaye ava tunatacikizetu. Nyi ngacilihi ali nakwamboholili ngwenyi, #v. 38, 62.Ngunatumu mwilu?
43Yesu avakumbulwile ngwenyi, Kanda mulitatwokesenu vaveneko.
44 #
6.65. Mutu naumwe pimbi mwahasa kulijila tuhu kuli Ami, xina kuvanga #Yele. 31.3; Hoze. 11.4; Yowa. 12.32; 6.65.navamukoka kuli Tata, Uze angutumine, kahAmi nangukamusangula halikumbi lyakukuminyina.
45Vasoneka kuli vapolofweto ngwavo, #Isa. 54.13.Kaha vosena navakapwanga #Teso. 1, 4.9; Fwili. 3.15; Yowa. 1, 2.27.vavanangula kuli Kalunga. Wose nevu lyehi kuli Tata nakunanguka himweza kuli Ami.
46 #
1.18. Kacexi nge mutu amumona lyehi Tatako, xinOu kaha afuma kuli Kalunga, Ikiye amumona lyehi Tata.
47Camwenemwene, camwenemwene, nangumilweza ngwami, Ou etava ali nakuyoya cahaya myaka yosena.
48Ami yami kulya kana cakuyoya.
49Vakakuluka jenu valile mana mupambo, kaha vafwile.
50Eci cikiko kulya kaneci cakufuma mwilu, mangana mutu alyeko azeneke kufwa.
51Ami yami kulya kana cakuyoya cinafumu mwilu. Kaci nge mutu mwalya kukulya cino mwayoyanga nahaya myaka yosena. Kaha kulya kana nanguhanAmi #1.29; 3.14-15; Hepe. 10.10.mangana vakamavu vakawane kuyoya, yikiko vene nyama yami.
52Ngoco vaYuleya valipikile ngwavo, Ou mutu kana #3.4; 4.9.mwahasa ngacilihi kutuhanetu nyama yenyi tuyilye?
53Xikaho Yesu avambile ngwenyi, Camwenemwene, camwenemwene, nangumilweza ngwami, Xina kuvanga namulya nyama yaMwanamutu nakunwa manyingenyi, mokomoko kamwexi nakuyoya muli enuko.
54Ou mwalya nyama yami nakunwa manyingami ali nakuyoya cahaya myaka yosena, kahAmi nangukamusangula halikumbi lyakukuminyina.
55Mwomwo mwamucano vene nyama yami yikiko kulya, mwamucano vene manyingami akiko kunwa.
56Ou mwalya nyama yami nakunwa manyingami #15.4; Yowa. 1, 2.24; 3.24; 4.15-16.natwame muli Ami nayAmi nawa muli ikiye.
57Nganomu vanangutumu kuli Tata #5.26; Mateu 16.16.Ou ayoya, kahomu ngwayoyelAmi muli Tata, ngoco nayou mwangulya nawa mumwayoyelanga naikiye nawa muli Ami.
58Eci cikiko kulya kana #v. 41, 51.cinafumu mwilu, kexi nge muze valile vakakuluka nakufwako. Ou mwalya kulya cino mwayoyanga nahaya myaka yosena.
59Vyumevi avihanjikile #6.59:Jisunangonga japwile vikungulwilo vyakutangila vaYuleya.#Mateu 14.23.musunangonga, omu apwile nakuvanangula kuKapelenau.
Mazu akuyoya cahaya myaka yosena
60Kaha tumbaji twenyi vavavulu hakucivwa valyambile ngwavo, Lizu eli lyalikalu, iyaze mwahasa kulivwilila?
61Oloze Yesu #v. 64.atacikijile mumucima wenyi ngwenyi, Tumbaji twami vali nakutatwoka hacuma kana, avehwile ngwenyi, Eci #Mateu 11.6.cili nakumifutwisa tahi?
62Nyize kaci nge namukamumona Mwanamutu hakuhiluka mwilu #3.13; 17.5.muze apwilenga hamwaka?
63 #
Koli. 2, 3.6. Xipilitu Ikiye Muka-kuyoyesa, cisemwa cahamavu kacexi kuwahisa cipwe nakamweko. Awa mazu kana ngunahanjikAmi kuli enu akiko xipilitu, akiko kuyoya.
64Oloze muli enu muvali vamwe vanazeneka kwitava. Mwomwo kufumisa kukuputuka Yesu #2.25.avatacikijile vaze vazenekele kwitava, #v. 71.nauze nawa mwakamusolola kuli vakakole.
65Kaha avambile nawa ngwenyi, Hoho vene ngunamyambila ngwami, #v. 37, 44.Mutu naumwe pimbi mwahasa kulijila tuhu kuli Amiko, #3.27; Mateu 13.11.xina kuvanga vanamuhaneco kuli Tata.
66Hoho vene tumbaji twenyi vavavulu vahilukilile kunyima, kavatambukilenga ceka nenyiko.
67Xikaho Yesu avehwile vaze likumi navavali ngwenyi, Nayenu nawa munasake ngwenu, munguseze tahi?
68Ximona Petulu amukumbulwile ngwenyi, Ove Mwata, natuya kuliyaze? Ove uli namazu akuyoya cahaya myaka yosena.
69Kahetu tunetava, kaha tunatacikiza ngwetu, #Mako 1.24.Ove yove Muka-kujila waKalunga.
70Yesu avakumbulwile ngwenyi, #15.16, 19.Ami kangwamisakwilenu likumi navavaliko numba? oloze minenu umwe napu liyavolo.
71Avulukile #13.26; 12.4; 13.2.Yuta yaXimona Isakalyote, mwomwo ikiye vene apwile uze mweza kumusolola kuli vakakole, apwile wakusokesa muli vaze #Mateu 10.2.likumi navavali.
Omu vakanyine vasongo jaYesu kwitava
Currently Selected:
YOWANO 6: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
