Popular Bible Verses from Lucas 10

Share

Noqam podernïta entregayashkaq culebrakunata, atuq kurukunata jarukachäyänaykipaq y Satanás imata ruraptinpis venciyänaykipaq. Satanásta pärapuyaptikipis manam ni ima päsayäshunkitsu.

Señor Jesúsnam nirqan: <<Ä Marta, Marta, qamqa imayka ruraykunapaq yarpachakurmi tranquïlutsu kanki. Peru llapan imaykapitapis jukllayllam mas alliqa. Tsaytam ñañayki Maríaqa akrashqa. Pay yachakunqantaqa manam ni pipis qechunqatsu>>.

Tsay runanam nirqan: <<Dios Yayapa leyninchömi nin: <Dios Yayata kuyanki llapan shonquykiwan, llapan voluntänikiwan, llapan kallpaykiwan y llapan yarpaynikiwan. Runa majikitapis kikiki kuyakunqaykinö kuyanki> >>.

Kacharmi nirqan: <<Cosëcha qoriypaq kanqannömi maytsikaq runakunapis Dios Yayapa willakuyninta chaskiyänanpaq kaykäyan. Peru wallkaqllam willakuqkuna kayan. Willakuqkunata kachamunanpaq Dios Yayata mañakuyay>>.

Tsaypitanam Jesús tapurqan: <<Tsay kimsan runakunapita ¿mayqantan runa majinta llakiparqan?>> Tsaynam nirqan: <<Tsay Samaria runam>>. Jesúsnam nirqan: <<Kanan qampis tsaynölla runa majikita llakipanki>>.

<<Kanan willakuq aywayay. Löbukunaman üshakunata qaykuqnömi qamkunata kachayaq.