Popular Bible Verses from Lucas 12

Share

Tsaynölla qamkunapis alistakushqallana kayay. Mana musyayanqayki höram illaqpita Runapa Tsurin shamunqa>>.

Masbien Dios Yayapa mandakuyninchö kawakuyänaykipaq yarpachakuyay. Tsaynö kawayaptikim imata wanayanqaykitapis qarayäshunki.

Tsaypitanam runakunata nirqan: <<Cuidädu imapaqpis ayrajashqataq kayankiman. Alli kawayqa manam rïcu kayraqtsu>>.

Riquëzaykita churayanqaykimanmi shonquykipis yarparaykanqa.

<<Mayjina yarpachakurpis ¿piraq tamäñunpita masqa wiñanman?

Tsaypitanam discïpulunkunata Jesús nirqan: <<Ama yarpachakur niyaytsu: <¿Imanöraq kawashaq? ¿Imataraq mikushaq? ¿Imataraq shukukushaq?>

Aqtsaykikunapis paypaqqa yupashqam kaykan. Qamkunaqa maytsika pishqukunapitapis masmi väliyanki. Tsaynö kaykaptinqa ama mantsakuyaytsu.

<<Qatirämaqkuna, wallka üshanölla karpis ama llakikuyaytsu. Taytaykim qamkunata akrayäshushkanki paypa mandakuyninchö kayänaykipaq.

Maski pishqukuna imanö kawayanqanta tantiyayay. Paykunaqa manam murukuyantsu, cosechayantsu ni churakuyantsu. Tsaynö kayaptinpis Dios Yayam mikuyninkuna qaran. Dios Yayapaqqa pishqukunapitapis masmi väliyanki.

<<Tsaynö kaykaptinqa ama yarpachakuyankitsu: <¿Imataraq mikushun? ¿Imataraq upyashun?> nirqa.

Mana creyikuq janan shonqu runakuna, waray warantin waykashqa kananpaq kaptinpis qewakunata kuyakuypaq wiñaykätsirqa ¿manatsuraq qamkunatapis wanayanqaykita Dios Yaya alistapäyäshunki?

Pakayllapa rurayanqanpis jankatmi rikakanqa. Pipis mana rikaykaptin rurayanqanpis jankatmi musyakanqa.