Popular Bible Verses from Lucas 3

Share

Runakunata Juan bautizaykaptinmi Jesúspis bautizakurqan. Bautizakur Dios Yayaman mañakuykaptinmi ciëlu kichakaskamuptin Jesúsman Espíritu Santu imayka palumanö urämurqan. Tsay höram ciëlupita Dios Yaya nimurqan: <<Qammi kuyay tsurï kanki. Qampitam kushikü>>.

Tsaynö niyanqanta musyarmi Juan nirqan: <<Noqaqa yakullawanmi bautizayaq. Peru jukmi noqapita mas poderyuq shamunqa. Manam noqaqa paypa llanqinpa watunta paskanällapaqpis välïtsu. Paymi Espíritu Santuwan y ninawan bautizayäshunki.

Jutsaykikunapita rasunpa arrepentikushqa karqa Dios Yaya munanqannöna kawayay. Ama yarpäyaytsu Abrahampa ayllun kayanqaykipita Dios Yaya salvayäshunaykipaq kanqanta. Noqam niyaq: Dios Yaya munarqa kay rumikunatapis Abrahampa ayllunmanmi tikratsinman.

Mana wayuq jachata chapapita walluskir ninaman jitaykuqnömi jutsa ruraqkunata castigananpaq Dios Yaya listu kaykan>>.

Tsaynö Juan willakunanpaqmi Dios Yayapa profëtan Isaías qellqanqanchö nin: <<Juk runam desiertuchö qayakuypa willakur nin: <Dios Yaya shamunanpaq nänita allitsayay. Wiksu nänikunata derechayay. Raqrakunatapis pampatsäyay. Lömakunatapis parijayay. Wiksu wiksu nänikunatapis derechayay. Uchku uchkukunatapis pampatsäyay. Dios Yaya poderninwan salvanqantam maytsaychö täkuq runakuna rikäyanqa> >>.