Popular Bible Verses from Lucas 8

Share

<<Peru wakin runakunam sïqa alli allpanö kayan. Tsaymi Dios Yayapa willakuyninta alli shonqunkunawan cäsur Dios Yaya munanqannö kawakuyan. Alli allpachö muru wiñämur alli wayunqannömi imaypis kawakuyan>>.

<<Wakin kaq runakunaqa kasha chakranömi kayan. Tsaymi Dios Yayapa willakuyninta wiyarpis yarpachakuyan waräninkuna imanöpis kawayänanpaq, kapuqyuq kayänanpaq y kushikuyllachö kawayänanpaq. Tsaynö karmi mana wayuq trïgunö kayan.

<<Wakin runakunaqa shallama chakranömi kayan. Tsaymi Dios Yayapa willakuyninta wiyar kushishqa chaskirpis mana jinchi jawayuq plantanö kar desgraciakuna päsaptin creyikuyninta dëjaskiyan.

Discïpulunkunatanam nirqan: <<¿Imanirtan confiakuynikikuna kantsu?>> Tsaymi kikinkunapura mantsakashqa ninakuyarqan: <<Yakupis wayrapis tsaynö cäsunanpaqqa ¡pitan kay runaqa!>>

<<Wakin runakunaqa chukru näninömi kayan. Dios Yayapa willakuyninta wiyayaptinpis diablu shamurmi wiyayanqantapis qonqaskatsin. Tsaymi manana creyikur salvakäyantsu.

Tsaynömi yachatsikunqäkuna kanan pakaraqnö karpis musyakanqa. Kanan mana tantiyakarpis waraykunam tantiyakanqa.

Yatanqanta tantiyaskiptinmi tsay warmi mantsakaywan karkaryarraq Jesúspa puntanman qonqurikuykurqan. Tsaypitam imanir yatanqanta y jina höra kutikanqanta llapan runakunapa puntanchö willarqan. Jesúsnam nirqan: <<Hïja, creyikamunqaykipitam kutikashkanki. Kananqa kushishqana aywakuy>>.

Tsaynam Jesústa rikchatsir niyarqan: <<¡Rabí, rabí! ¡Tallpukaykantsiknam!>> Jesús sharkurnam wayratawan yakuta piñaparqan. Piñapaskiptinmi wayrawan yakupis patsallanchö päraskiyarqan.