Popular Bible Verses from Yohana 15

Share

Nene ndi nzabibu, bingʼwe muli matambi. Uyo akwikalaga muli Nene, na Nene muli wei, ngʼwenuyo akatwajaga matwajo mingi; iki ulu iti hamo na Nene mutudula kwita mhayo nulu gumo.

Ikalagi muli Nene, na Nene mu bingʼwe. Gitumo itambi Utudula kutwaja matwajo lyenekele, ulu litikalaga mu nzabibu, giko hangi na bingʼwe mutudula, ulu mutikalaga muli Nene.

Bingʼwe ulu ngʼwikala muli Nene, na mihayo yane yikala mu bingʼwe, mukulomba iyo mutogilwe, nayo ikwitwa kulwingʼwe.

Bingʼwe ngʼwali mutanikomile Nene, aliyo Nene naamukoma bingʼwe, hangi naamutuula ho bingʼwe muje, mukatwaje matwajo, na matwajo gingʼwe gikale ho; yose iyo munombe Baba mu lina lyane, angʼwinhe bingʼwe.

Nduhu munhu ali na butogwa butale kutinda ubu giki, munhu kuwega ho bupanga wakwe kulwa banwani bakwe.

Buli itambi lyose muli Nene ilo litatwajaga matwajo, akulyinjaga ho; hangi buli itambi lyose ilo likatwajaga matwajo akulyejaga, lyongeje kutwaja matwajo.

Kilagilo chane kili iki, giki, Ngʼwitogwe benekele na benekele, gitumo Nene naamutogwa bingʼwe.

Mu mhayo uyu Baba akukujiwagwa giki, mutwaje matwajo mingi; na bingʼwe mukubiza bahemba bane.

Nene ndi nzabibu gwa nghana, na Baba Ngʼwene nimi.

Munhu ose ulu atikalaga muli Nene, uponyiwa hanze giti itambi, uma lulu; na banhu bugabilinga, bugaponya mu moto, gupemva.

Mihayo iyi namuwilaga, kuyega kwane kwikale mo mu bingʼwe, hangi kuyega kwingʼwe kukwile.

Ulu ngʼushidima shilagilo shane, mukwikala mu butogwa wane; gitumo Nene nakashidimaga shilagilo sha ngʼwa Baba, nakwikalaga mu butogwa wakwe.

Mihayo iyi namulagila giki, Ngʼwitogwe benekele na benekele.

Bingʼwe ulu ni muli ba mu si, ba mu si ni babatogwa banhu babo; aliyo iki bingʼwe muti ba mu si, aliyo Nene naamukoma kufuma mu ba mu si, kulwa mhayo uyu ba mu si bamukolilwe.