Popular Bible Verses from Yohana 16

Share

Mihayo yeniyi namu wilaga giki, muli Nene mubize na mhola. Mu si mukubiza na kuluhaluhiwa; aliyo timbyagi ngholo, Nene napyenaga si.

Aliyo Ngʼwenuyo, Moyo Ngʼwela wa nghana aho wiza, akumutongela mu yose ya nghana; iki atalalungalunga yakwe ngʼwenekele; aliyo yose iyo akwigwa, i yene akulungalunga; hangi akumusombolela iyahaya kwiza.

Kushisha lelo mutali kulomba mhayo nulu gumo mu lina lyane; lombagi ningʼwe mukwinhiwa, buyegi wingʼwe bubize bushikanu.

Aliyo namuwila ya nghana giki, Ikumubelela bingʼwe Nene ninge ho; iki ulu natinga ho Nene, Ngunani ataliza ku bingʼwe; aliyo ulu nuja Nene, nakuntuma ku bingʼwe. Nanghwe aho alizaga akubakanilija ba mu si ya shibi, na ya butungilija, na ya kulekanya nsango.

Na bingʼwe hambunyu muli nabo bupina nghana; aliyo nakumubona hangi, na ngholo yingʼwe ikuyega, hangi ati ho nulu umo wa kumutaja buyegi wingʼwe. Hangi mu lushiku lwenulo mutalanibuja mhayo gose. Nghana, nghana, namuwila giki, Yose iyo munombe Baba mu lina lyane, akungʼwinha bingʼwe.

Nghana, nghana, namuwila giki, Bingʼwe mukulila hangi mukulila nghungu; aliyo ba mu si bakuyega, bingʼwe mukupinihala, aliyo bupina wingʼwe bulagaluka kubiza buyegi.