Popular Bible Verses from Luka 7

Share

Kulwa iyo, nakuwila giki, Walekejiwagwa shibi shakwe shili shingi; iki ah na butogwa wingi; aliyo uyo walekejiwa mido ngʼwenuyo ali na butogwa budo. Ungʼwila nkima giki, Walekejiwagwa shibi shako.

Aliyo kuli nkima uhaya giki, Kuzunya kwako kwakupijaga; jaga mu mhola.

Wimila kunuma ku mhambala jakwe, akulilaga; wandia kudotya mhambala jakwe na shisoji, ujipyagula na nzwili ja ntwe gwakwe, ujibipa no mhambala jakwe, na kujibila na maguta genayo.

Kulwa iyi nene nali natibala nigelelilwe kwiza kuli Bebe; aliyo kuhaya hayaga gwike, na nsese wane akupijiwa. Iki nu nene ndi munhu atuulilwe mu busugi, ndi na bashilikale nabasugile, nane nungʼwila umo, Jaga, nanghwe uja; na kuli ungi giki, Nzugu, nanghwe wiza; na kuli nsese wane, Itaga iyi, nanghwe wita. Yesu aho wigwa iyi, unkumya; uligalukila ibita ilyali lyunondela uhaya, Namuwila giki, natali kubona kuzunya kutale giti uku nulu mu Israeli yaya.

Ngʼwikanza lyenilo ubapija banhu bingi mu busatu wabo na bulwile wabo na mioyo mibi, na baboku bingi ubinha kubona. Hunaho Yesu ushosha ubawila giki, Jagi, mukansombolele Yohana iyo ngʼwibonaga na iyo ngʼwigwaga; giki, baboku binhiwa kubona, bachigiji balishiminza, ba mbiji balejiwa, bachibi ba matu baligwa, bafu balijuchiwa, na bahabi balilomelwa evangeli