Popular Bible Verses from Marcus 6

Share

Agus dubhairt sé leo: Taraigidh í leith go h-áit uaignigh, agus déanaigidh bhur scíste tamall, Óir bhí mórán ann ag teacht agus ag imtheacht, agus ní raibh am acu fiú chun biadh a chaitheamh.

Agus dubhairt Íosa leo: Ní bhíonn fáidh gan onóir, acht ina thír féin, agus ina thigh féin, agus imeasc a mhuinntire féin.

Agus ag dul amach do Íosa chonnaic sé sluagh mór, agus bhí truaighe aige dóibh, mar go raibh siad mar chaoirigh gan tréadaidhe acu, agus thoisigh sé a theagasc mórán neithe dóibh.

Agus níorbh fhéidir leis aon mhíorbhail a dhéanamh annsin, acht beagán de dhaoine breoidhte a leigheas tré chur a lámh ortha. Agus ba iongnadh leis a n-easbaidh creidimh; agus thaisteal sé na bailte thart timcheall ag teagasc.

Agus ag glacadh na gcúig n-arán agus an dá iasc dó, dʼamharc sé suas ar neamh, bheannuigh agus bhris sé na h-aráin, agus thug dá deisciobail iad le cur ós a gcómhair, agus rann sé an dá iasc ortha uilig. Agus dʼith siad uilig agus bhí a sáith acu. Agus thóg siad an fuighleach, dhá bhascáid dhéag lán de chonamair, agus de na h-éisc.