Popular Bible Verses from KA BUKE MUA A MOSE, I KAPA ʻIA KINOHI 35

Share

ʻĪ maila ke Akua iā ia, “ʻO wau nō ke Akua Mana; A e hoʻohua aʻe ʻoe, a e māhuahua; Nāu mai nō kekahi lāhui kanaka, a me nā lāhui kanaka; A e puka mai auaneʻi nā aliʻi mai loko mai o kou pūhaka. “A ʻo ka ʻāina aʻu i hāʻawi aku ai no ʻAberahama, a no ʻIsaʻaka, E hāʻawi aku hoʻi au nou, A no kāu poʻe mamo ma hope ou kaʻu e hāʻawi aku ai i ka ʻāina.”

“A e kū aʻe kākou, e piʻi aku i Betela; ma laila au e hana ai i kuahu no ke Akua nāna au i maliu mai i ka lā o koʻu pōpilikia, a i hele pū me aʻu i kuʻu ala i hele ai.”

ʻĪ maila ke Akua iā ia, “ʻO Iakoba kou inoa; ʻAʻole e hea hou ʻia kou inoa ʻo Iakoba, Akā, ʻo ʻIseraʻela kou inoa.” A kapa ihola ʻo ia i kona inoa ʻo ʻIseraʻela.

A laila, ʻī akula ʻo Iakoba i ko ka hale ona, a i ka poʻe a pau me ia, “E haʻalele ʻoukou i nā akua ʻē i waena o ʻoukou, e huikala iā ʻoukou iho, a e ʻaʻahu iho i nā kapa hou.

¶ ʻŌlelo maila ke Akua iā Iakoba, “E kū aʻe ʻoe, e piʻi aku i Betela, i laila e noho ai; i laila ʻoe e hana ai i kuahu no ke Akua i ʻikea e ʻoe i kou wā i mahuka ai mai ka maka o kou kaikuaʻana ʻo ʻEsau.”

A i ka wā e kāʻili ana kona ea; (no ka mea, make nō ʻo ia), kapa ihola ia i kona inoa, Bene-ʻOni; akā, kapa akula kona makua kāne iā ia, ʻo Beniamina.