Popular Bible Verses from KA ʻEUANELIO I KĀKAU ʻIA AI E IOANE 12

Share

“Inā e hoʻokauā mai kekahi naʻu, e hahai mai ia iaʻu; a ma koʻu wahi e noho ai, ma laila pū nō hoʻi kaʻu kauā; inā e hoʻokauā mai kekahi naʻu, e hoʻomaikaʻi ka Makua iā ia.

“ʻO ka mea makemake nui i kona ola, e lilo aku nō ia; akā, ʻo ka mea hoʻowahāwahā i kona ola ma kēia ao, e ola mau loa aku nō ia.

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, inā e make ʻole kekahi huapalaoa i hāʻule ma ka lepo, inā ua waiho hoʻokahi wale nō ia; akā, inā e make ia, e hua nui mai nō ia.

“I hele mai nei au i ke ao nei i mālamalama, i ʻole ai e noho i ka pouli nā mea e manaʻoʻiʻo mai iaʻu.

“Inā e lohe kekahi i kaʻu ʻōlelo, ʻaʻole hoʻi e manaʻoʻiʻo, ʻaʻole au e hoʻāhewa aku iā ia; no ka mea, ʻaʻole au i hele mai e hoʻāhewa i ko ke ao nei; akā, e hoʻōla i ko ke ao nei.

A laila lawe maila ʻo Maria i kekahi paona mea poni he ʻaila ʻala kumu kūʻai nui, a poni ihola i nā wāwae o Iesū, a holoi ihola i kona mau wāwae me kona lauoho; a piha ka hale i ke ʻala o ka mea poni.

lawe aʻela lākou i nā lālā pāma, a hele akula e hālāwai, a hoʻokani akula, “Hōsana! «Nani wale ke Aliʻi o kā ʻIseraʻela e hele mai ana ma ka inoa o ka Haku».”

ʻŌlelo maila ʻo Iesū iā lākou, ʻī maila, “Ua hiki mai ka hora e hoʻonani ʻia ai ke Keiki a ke Kanaka.