Popular Bible Verses from KA ʻEUANELIO I KĀKAU ʻIA AI E MAREKO 1

Share

¶ A i ka pili o ke ao aʻe, i ka wā pōʻeleʻele, ala aʻela ia, hele akula i waho, a hiki i kahi mehameha, i laila ʻo ia i pule ai.

ʻī maila, “Ua hiki mai nei ka manawa, ua kokoke mai nei ke aupuni o ke Akua. E mihi ʻoukou a e manaʻoʻiʻo i ka ʻeuanelio.”

A i kona piʻi koke ʻana, mai ka wai mai, ʻike akula ia i nā lani, ua hāmama, a i ka ʻUhane me he manu nūnū lā e iho mai ana ma luna ona. A paʻē maila ka leo, mai ka lani mai, “ʻO ʻoe nō kaʻu Keiki punahele, ka Mea aʻu i leʻaleʻa nui aku ai.”

“Ua bapetizo aku nō wau iā ʻoukou i ka wai; akā, nāna ʻoukou e bapetizo aku i ka ʻUhane Hemolele.”

ʻĪ maila Iesū iā lāua, “E hahai ʻolua ma muli oʻu, a e hoʻolilo wau iā ʻolua i mau lawaiʻa kanaka.” Haʻalele koke ihola lāua i kā lāua mau ʻupena, a hahai akula iā ia.

Mahalo ihola lākou i kāna aʻo ʻana; no ka mea, aʻo maila ʻo ia iā lākou, me he mea mana lā, ʻaʻole like me ka poʻe kākau ʻōlelo.