Popular Bible Verses from KA ʻEUANELIO I KĀKAU ʻIA AI E MAREKO 2

Share

Lohe aʻela Iesū, ʻī akula ʻo ia iā lākou, “ʻAʻole no ka poʻe ola ke kahuna lapaʻau, no ka poʻe maʻi nō ia. I hele mai nei au e aʻo aku i ka poʻe lawehala e mihi, ʻaʻole i ka poʻe pono.”

ʻIke maila Iesū i ko lākou manaʻoʻiʻo, ʻōlelo ihola ia i ua lōlō lā, “E ke kama iki, ua kala ʻia kou hewa.”

ʻĪ maila ia iā lākou, “Ua hana ʻia ka lā Sābati no ke kanaka, ʻaʻole ke kanaka no ka Sābati.

ʻAʻole hiki iā lākou ke komo aku i ona lā, no ka paʻapū i kānaka; no laila wāwahi lākou ma luna o ka hale, ma kona wahi; a hemo iā lākou, a laila kuʻu ihola lākou i kahi moe i moe iho ai ka maʻi lōlō.

“Akā, i ʻike ʻoukou, he mana ko ke Keiki a ke Kanaka ke kala aku i ka hala ma ka honua nei, (ʻī aʻela ia i ka maʻi lōlō,) ke ʻōlelo aku nei au iā ʻoe, e ala mai, e kaʻikaʻi i kou wahi moe, a e hoʻi aku i kou hale.”

“Ma hea ka hiki pono o ka ʻōlelo i ka maʻi lōlō, ‘Ua kala ʻia kou hewa’; a ʻo ka ʻōlelo paha, ‘E ala aʻe, e kaʻikaʻi i kou wahi moe, a e hele?’

Ala koke aʻela ia, kaʻikaʻi aʻela i kona wahi moe, a hele akula i waho, i mua o lākou a pau; no laila, mahalo akula lākou a pau, hoʻonani akula i ke Akua, ʻī ihola, “ʻAkahi nō kākou i ʻike i kēia.”