Popular Bible Verses from KA ʻEUANELIO I KĀKAU ʻIA AI E MAREKO 10

Share

“No ka mea, ʻo ke Keiki a ke Kanaka, ʻaʻole ia i hele mai no ka hoʻokauā ʻia mai; akā, no ka hoʻokauā aku, a e hāʻawi i kona ola i kumu hoʻōla no nā mea he nui loa.”

Nānā maila Iesū iā lākou, ʻī maila, “He mea hiki ʻole kēia i kānaka; akā, ʻaʻole i ke Akua; no ka mea, e hiki nō nā mea a pau loa i ke Akua.”

ʻĪ akula Iesū iā ia, “Ō hele, ua ola ʻoe, i kou manaʻoʻiʻo.” Loaʻa koke aʻela iā ia ka ʻike, a hahai akula iā Iesū, ma ke alaloa.

“ʻO ka mea a ke Akua i hoʻopili mai ai, mai hoʻohemo aʻe ke kanaka.”

Nānā maila Iesū iā ia, aloha ihola, a ʻōlelo maila iā ia, “Hoʻokahi ou mea hemahema; e hoʻi aku ʻoe, e kūʻai lilo aku i kou waiwai a pau, a e hāʻawi aku i ka poʻe ʻilihune, a laila e loaʻa iā ʻoe ka waiwai ma ka lani; a e hele mai ʻoe e hāpai i ke keʻa, a e hahai mai iaʻu.”

ʻŌlelo akula Iesū, ʻī akula iā ia, “He aha kou makemake e hana aku ai au nou?” ʻĪ maila ua makapō nei iā ia, “E ka Haku ē, i kaʻakaʻa koʻu mau maka!”

“Akā, mai mea pēlā i waena o ʻoukou; a ʻo ka mea makemake e lilo i poʻokela i waena o ʻoukou, e lilo ia i kauā na ʻoukou.

“He ʻoiaʻiʻo kaʻu e ʻōlelo aku nei iā ʻoukou, ʻo ka mea ʻaʻole e launa i ke aupuni o ke Akua, me he keiki ʻuʻuku lā, ʻaʻole loa ia e komo mai i laila.”

“A he nui loa nā mea mua e lilo ana i hope, a me nā mea hope i mua.”

“Akā, i kinohi o ka honua nei, «hana ke Akua iā lāua, he kāne, he wahine. “No laila hoʻi e haʻalele ai ke kanaka i kona makua kāne, a me kona makuahine, a e hoʻopili ia i kāna wahine; a e lilo nō lāua ʻelua, i hoʻokahi»; no ia mea, ʻaʻole ʻelua hou aku lāua; akā, hoʻokahi wale nō ʻiʻo.