Popular Bible Verses from Luka 17

Share

Ti na pati loa Sesu kiate ia : Tuu ki aluga, ano ; kua fakamauli a koe e lau tui.

Ti kapau e sala a ia kiate koe o tua fitu i se aso e tasi, kae toe liliu tua fitu atu a ia kiate koe, o pati : e kau fakasemala ! e ke fakamolemole loa kiate ia.

Ko se tasi o latou, i lana tio ake kua malie lona kilia, na toe liliu a ia loa, o fakakololia ki le Atua o leo lasi. Na punou loa a ia ki le kele i vae o Sesu, o fakafetai kiate ia. Ko se tagata Samalitana a ia.

Kotou tokaga kia koutou totonu. Kapau na sala lou taina kiate koe, valoki a ia ; ti kapau e fakasemala a ia, fakamolemole kiate ia.

Na masau loa Sesu, o pati : Pe na leaise mauli fuli le tino agafulu ? Ti kofea leia ake toka iva ?

Na pati loa le Aliki : Kapau e lasi lakoutou tui ofaipe se fatui sinapi, e kotou pati loa ki le sikomole lena : Mataaki a koe, o vilo ki le moana ; ti e fakalogo atu loa a ia kia koutou.

Ko leia e afa ke saofaki lona mauli e fakapuli ia loa a ia, kae ko leia e fakapuli ia loa a ia e toe maua ia loa a ia.

Na pati loa Sesu ki ana tisipulo : E leaise mafai ke aua na soko ni fakasala, kae malaia ki leia e fakatupu ia latou ! E malie ake kiate ia ke nonoa se fatufuaga ki lona ua, ti ke ti a ia ki le moana, i lana fakasalai se tasi i ga toe liliki anei.

Ko nea ala na soko i le temi o Noe, e toe soko loa i aso o le Vosa o le tagata. Na kai mo inu a tagata, mo avaga ti mo fakaavaga alatou fanau, o kaku ki le aso leia na ulu ai a Noe ki le aleka ; ti na to loa le lomaki, o lotou mamate fuli ai.