Popular Bible Verses from EVASELIO A MALEKO 11

Share

Koia e au ui atu ai kia koutou: Ko te u mea fuli ae e kotou kole anai i te faihufaki, kotou tui kua kotou mau natou, pea e kotou sisio anai ki tonatou fakahoko.

E au ui mooni atu kia koutou, kapau e ui e he tahi ki te mouga aena: Mavae mai hena pea ke fakato ki te tai, pea kapau e mole lotolotolua ia ia i tona loto, kae e tui e hoko te mea ae e ina ui ki ai, pea e sio anai ia ia ki te fakahoko o te mea aia.

Pea, kapau e kotou tutuu i oluga o fai takotou kole, kae kotou nonofo mo he mea ki he tahi, kotou fakamolemole, o tupu ke fakamolemole foki akotou agahala e takotou Tamai ae e nofo i te atu lagi.

Nee palalau leva ia Sesu, o ui kia natou: Kotou tui ki te Atua.

Pea nee akonaki ia ia, o ui: Pe nee mole tohi: E higoa anai toku fale ko he fale faikole ki te u puleaga fuli? Kae ko koutou, kua kotou fakaliliu ia ia ko he ana o te u tagata kaihaa.

Ko natou ae nee olo i mua pea mo natou ae nee olo i muli o Sesu, nee natou kalaga: Hosana! Manuia ia ae e haele mai i te huafa o te Aliki!

Manuia te puleaga e haele mai, te puleaga o tatatou tamai ko Tavite! Hosana i te u potu maoluga aupito!