Popular Bible Verses from EVASELIO A MALEKO 10

Share

Koteuhi nee mole hau te Foha o te tagata ke faifekau age kia ia, kae ke faifekau mo foaki tona mauli ke totogi ai te kaugamalie.

Nee sio leva ia Sesu kia natou, o ui: E mole feala te mea aia ki te tagata, kae e feala ia ki te Atua: Koteuhi e feala te u mea fuli ki te Atua.

Pea nee ui leva e Sesu kia ia: Alu, kua fakamauli koe e tau tui.

Koia ke aua naa veteki e te tagata te mea ae kua hai e te Atua.

Nee sio leva ia Sesu kia ia, pea nee ofa leva ia ia kia ia, o ui kia ia: E puli te mea e tahi kia koe; alu, fakatau te u mea fuli e ke mau, foaki ia ia ki te kau masiva, pea e ke mau anai he koloa i te lagi. Pea osi ia, pea ke hau, o mulimuli mai ia au.

Pea nee ui leva e Sesu kia ia: Kotea ae e ke loto ke au fai kia koe? Nee tali leva e te tagata kivi kia Sesu: Pule, ke au sio.

Ke aua naa fena ia koutou. Kae ko ae e loto ke lahi ia koutou, ke liliu ia ia ko takotou tagata faifekau

E au ui mooni atu kia koutou, ko ae e mole ina tali anai te puleaga o te Atua o hage ko he kii toe veliveli e mole ulu anai ia ia ki ai.

E kaugamalie i te kau muamua e mulimuli anai, pea e kaugamalie i te kau mulimuli e muamua anai.

Kae i te kamataaga o te fakatupu o te malamanei, nee fakatupu e te Atua te tagata mo te fafine; koia e mavae anai te tagata mai tana tamai mo tana fae, pea e pipiki anai ia ia ki tona ohoana, pea e na liliu anai ko he sino e tahi. Koia e mole kei na toko lua, kae kua na liliu ko he kakano e tahi.