Popular Bible Verses from EVASELIO A MALEKO 9

Share

Nee ui leva e Sesu kia ia: Kapau e ke fealagia!… E feala te mea fuape ki ae e tui.

I te lakaga pe aena nee kalaga leva te tamai o te toe, o ui: E au tui! Hau o haofaki au i toku tuigataa!

I te ulu a Sesu ki te fale, nee fehui leva e ana tisipulo kia ia: Kotea nee mole feala ai ke matou kapu te laumalie aia? Nee ui leva e Sesu kia natou: E hoki feala ke mavae te fahiga temonio aia aki te faikole.

Ko he mea lelei te masima; kae kapau e puli anai tona konakona, e kotou fakakonakona feafeai anai ia ia?

Ko ae e ina tali i toku huafa he tahi o te u toe liliki aeni, e ina tali ia au totonu; pea ko ae e ina tali au, e mole ko au ae e ina tali, kae ko ia ae nee ina fekaui mai au.

Pea ko ae pe e ina foaki atu anai kia koutou i toku huafa he ipu vai ke inu, koteuhi e kotou kau ia Kilisito, e au ui mooni atu kia koutou, e mole toe puli anai tona fakapale.

Kae kapau e fakahalai e he tahi he tahi i te u kii toe liliki ae e tui kia au, e lelei age kia ia ke nonoo ki tona kia he maka lomi fulumeto lahi, pea ke li ia ia ki te tai.

Pea kapau e fakahalai ia koe e tou foi mata, kapei ia ia; e lelei age tau ulu foi mata tahi ki te puleaga o te Atua, i tau mau ni foi mata e lua kae e li anai ia koe ki te seene.