Popular Bible Verses from EVASELIO A MALEKO 6

Share

Nee ui leva e Sesu kia natou: Koutou omai ki he kogamea lavaki, pea koutou malolo fakasiisii. Koteuhi nee kaugamalie natou nee tau age mo natou nee mavae. Pea nee mole natou mau he kii temi ke kakai ai.

Kae nee ui leva e Sesu kia natou; E fehiainai pe he polofeta i tona fenua, mo ona kaiga, pea mo tona famili.

I tana hifo i te vaka, nee sio leva ia Sesu ki he hahai kaugamalie, pea nee ofa mamahi leva ia ia kia natou, koteuhi kua natou hage ko ni ovi ae e mole natou mau he tagata tauhi ovi; pea nee ina kamata ako leva kia natou ni mea lahi.

Nee mole feala leva ke ina fai i ai he milakulo, gata pe ki tana hili ona nima ki ni mahaki, o fakamauli natou. Pea nee punamauli ia ia ki tanatou tui gataa. Nee folii e Sesu te u kolo nee ovi ai, o akonaki.

Nee too leva e Sesu te u foi pane e nima mo kii ika e lua, pea nee haga leva ona mata ki te lagi, o fakafetai. Pea nee ina tofitofi leva te u foi pane, o foaki ki te kau tisipulo, ke tufa ki te hahai. Nee ina toe vahe foki te u kii ika e lua kia natou fuli. Nee natou kakai fuli leva, pea nee natou makokona leva, pea nee ave leva ni kato e hogofulu ma lua kua fofonu i te u kogai pane mo te mea nee toe i te u ika.