Popular Bible Verses from John 15

Share

“Ni ye atsaibo eno nongu ye alokaqo ke. Nongu no I gholo kimepe aye eno I no nongu gholo aye, nongu ye axathi kutomo pithí nani; I sümo kelo nongu ye kiumu shimlae.

I gholo kimepe achelo kughengu ni ghí nongu gholo kimepe anike. Aloka ye pa likhi pa kutoshi athi pithílu chemoe; tiye atsaibo gholo kimepe aghí moayesa ke. Titoi nongu ghí I gholo kimepemo ke thaqhülo ye athi pithí mülae.

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

Timi lakhi no paw shompamiqo ghenguno pa küxü tsüve keu kikimiye nguno akijeu kühae.

Pa no I lolo athi pithímo keu lokaqo kümtsü micheve cheni, eno aloka athi pithí akeqo kümtsü pelo alau kutomo pithílu penike ghenguno pa no kixiphe chenie.

I zakütsü ye hike: I no nongu kimiye ketoi nongu lakhi no lakhi kimiyekilé lo.

Nongu no athi kutomo pithí keu hu no nongu ye I khopemiqo kepi pìyelu cheni eno hipau vechewo I pù juküvüpu shitsü cheni ke.

“Ni ye atsaibo kuchou ke, eno I pù ye atsailukichiu ke.

Nongu no I gholo kimepemo aye, nongu ye aloka peve püzü thizümüive keu toi ke; aloka tipaqo ye kiche pesü ami lo vesüve no pitive cheni.

I no nongu vilo hi piakeu ye I lokiqi nongu lolo apenike eno nongu lokiqi kupukülailu peniye ke.

I no I pù zakütsüqo pape no paw kikimiye gholo kimepeke toi nongu no I zakütsüqo pape aye nongu ye iw kikimiye gholo kimepe anani.

I yeza ye hike: Lakhi no lakhi kimiye lo.

Nongu no ayeghiqha’w shi aghí aye ayeghiqha ye paw toi nongu kimiye nani. Nongu ye ayeghiqha’w kumoe, ikemu I no ayeghiqha lau no nongu kishepheluvae. Tighenguno ayeghiqha no nongu mithi ke.