Popular Bible Verses from Luke 14

Share

“Khukhumu I lau ighi püzü papù eno azá, pa nipu nuliqo, pa thiküzümi eno achelimiqo, eno iyei, pa likhi pa küxü kutólo milivemo aye, titoi kemi ye I papemi shimlae.

Eno khuno no paw kros xapumo no I papeni keno panongu ye I papemi shimlae.

Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”

Tihutoi, nongu khukhumu nono aghí keu kümtsü phevemoni keno nongu ye I papemi shimlae.

“Kümsüju kelo nongu dolo lakhi no qhemghai keu ki shiqhepuku niye shi aye. Pa ye atüghishi iqa no ame khije wove nani eno ti shikulupu pisa lukümkha shi ani keo shimo keno kihikülaju paghimo nani keshea? Kughengu pa no aboqha likhi qhave no ti ashe tomove aye timi ithulu kemi kümtsü no pa junu ghi, ishi pi nani, ‘Timi hipau ye aki shipuku niye shi kemu mülaqhi mülavae.’

Ikemu kughou nono aghulhu kijè tsüní keno kumlhomi, apukhu kighichemi, apukhu kinitave kemi, eno anhethi kighichemiqo kusü lo, eno no ye kümgha keu ithulu nani. Panongu ye O lochile müla nani ikemu amikuchomi xüleputhu keu tsalà lono O lochileve nani.”

“Amitì ye aloe, ikemu amitì no aküqhü kühave aye, tiye kíshi no itaghi qhü kitheluve nani kea? Tiye aghüma kühave keu momu aghüma mülà nikeu lomu peitha mülae; tiye peve chenie. “Khunoqo no chilu nishi ani keno panoqo pelo chilu pelo.”