Popular Bible Verses from Matius 19

Share

Wo téintengen i Yesus séra wo icua-Na, “En tou ra'ica makawoo lumowir in owak in esa. Taan si Amang Kasuruan ro'na lumowir waya sé tou ampa'paan em baya-waya ro'na émaan-Na.”

Wo in taniitu séra ra'io ka'i rua, taan esa. Ampa'paan in itu, sapa sé pineesao i Amang Kasuruan, ra'io toro petanén é tou.”

Isowat i Yesus ai séra, “Tantu binacao miow ang Kitap Le'nas sapaoka tumo'tolke' mai asi cataré niéma' i Amang Kasuruan sé tou, ‘Niéma'-Na tuama wo wéwéné.’ Wo en aicua-Na ka'i tana'i, ‘Ampa'paano in itu, si tuama tumela'u oka si amang wo si inangna wo meesa ang karapi i penanaanna, wo séra in dua meesao.’

Taan icua i Yesus a sé murit-Na, “Iwayao mio' sé toyaang itu maai a Yaku! Tioo pepéro-péronen séra, ampa'paan sé tou tanu sé ituo e makaanu ing Kakolanoan in Sorga.”

Taan keli en tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Wo si tou itumela'- uo im baléna, sé metuari wo isia tuama kuma'pa wéwéné, si amangna kuma'pa si inangna, kuma'pa sé toyaangna kuma'pa umana ampa'paano ing kumiit Yaku, terimanna oka waya en iitu sangaatus lumepet wo makéré oka ing katouan akar ing kauré-uré.

Icua i Yesus ai sia, “Sa ko masalé' mamuali tou makakii-kiit am beren i Amang Kasuruan, mangé iwangkéro waya eng kasiyaanmu, wo iwééo mio' en itu a sé tou lengéi, wo in taniitu kéréanmu oka eng kasiyaan an sorga. Kumawus in itu mayoo wo kumiito mai Yaku.”

Wo isowat i Yesus ai sia, “Kéitu réén ko mamuéi a Yaku andumoro' sapa si loor? En loor wayake' in Esa. Taan sa ko masalé' makéré ing katouan akar ing kauré-uré, musti kiitenmu em perénta-perénta i Amang Kasuruan.”

Wo icua-Ku ka'i sumawel ai camu, lébé taporak si esa onta muntep am bo'so im biwilit wotaré si tou siya' muntep ang Kakolanoan i Amang Kasuruan.”

Taan icua-Ku mangé ai camu, sé tuama cuméré si penanaanna wo kumawéng sumawel wo si wéwéné walina, si tuama itu mabersinao, aluar si penanaanna itu mabersinao ang karapi é tuama walina.”

Wo icua i Yesus a sé murit-Na, “En ulitna icua-Ku mangé ai camu, susa keli sé tou siya' muntep ang Kakolanoan in Sorga.