Popular Bible Verses from Matius 18

Share

Ampa'paan am bisa awéan rua kuma'pa telu tou makali'us ampa'paan maéman a Yaku, Yaku am bitu ang karapi éra.”

Icua-Ku ka'i ai camu, ang kayo'baan anio' sa an uner iow awéan rua tou meesa mangilek sapake' mangé, em pinangilek iow itu tantu énan i Amang-Ku an sorga.

Wo towan i Yesus si esa toyaang teké'. Iru'du'-Na si toyaang itu tumulung an uner éra. Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

Wo si séi e menonou ko'kos en até wo mamuali tanu si toyaang teké' anio', siao e mangko-wangko' ang Kakolanoan in Sorga.

Wo si séi en sumungkul si esa toyaang teké' tanu si anio' ampa'paan sia makiit Yaku, sia puté isumungkulo Yaku.”

En ulitna icua-Ku mangé ai camu, sapake' em pinéromu émaan é tou ang kayo'baan, péronen ka'i i Amang Kasuruan si maento' an sorga. Taniitu ka'i sapake' e niénanmu émaan é tou ang kayo'baan, en itu ka'i énan i Amang Kasuruan si maento' an sorga.

Tanu siitu ka'i en émaan i Amang-Ku an sorga ai camu sa kamu ra'ica lekep en até méé kaampungan a si poow iow.”

“Sa awéan tou iméma' esaan asé toyaang teké' tanu si anio' sé maémano a Yaku akar sé toyaang itu méma' ing kamesé-meséaan, aweso taré eng kolot i tou itu wa'kesan im batu wangker wo itinep an ta'sic.

“Weroten iow sumama-sama' en andéan anio'. Sa awéan esa tou makadomba sangaatus wo katalaan esa, sapa en émaan oka i tou itu? Tantu itela'una sé siow ngapulu' siow domba itu an tolaina wo mangé mangéré si esa domba si aicatala itu.