Popular Bible Verses from Yohanes 19

Share

Yesus isap tu anggor asang itu, kong abis itu Dia bilang, “So klar samua yang Kita musti beking.” Kong Yesus batundu trus Dia srahkan De pe nyawa pa Tuhan Allah.

Abis itu, Yesus tau kalu samua tu Tuhan Allah da suru pa Dia, Dia so beking. Kong for se gnap apa tu da tulis di Kitab Suci, Yesus babilang, “Kita aus.”

Waktu Yesus lia Dia pe mama deng De pe murit yang Dia sayang da badiri di sabla pa Dia pe mama, Yesus bilang pa De pe mama, “Mama, Kita pe murit itu, mama anggap jo mama pe anak skarang.” Kong Yesus bilang pa tu murit itu, “Tu Kita pe mama itu, anggap jo dia itu ngana pe mama!” Mulai tu waktu itu, tu Yesus pe murit bawa pa Yesus pe mama itu pa de pe ruma.

Mar waktu dorang sampe pa Yesus kong dorang lia Yesus so mati, dorang nyanda se pata tu De pe kaki. Mar satu dari tentara-tentara di situ cucu tu Yesus pe lambung deng tombak, kong iko kaluar tu dara yang da tacampur deng aer.

Itu jadi bagitu, supaya apa tu da tulis di Kitab Suci itu jadi. Bagini tu da tulis, “Nyanda ada Dia pe tulang yang da se pata.” Kong di Kitab suci lei da bilang bagini, “Dorang mo lia pa Dia yang dorang so cucu.”

Waktu itu, Yesus pikul Dia pe salib kong kaluar dari kota trus pigi ka satu tampa tu dalam bahasa Ibrani ja bilang Golgota, tu de pe arti Tampa Tengkorak.

Kong tu tentara-tentara lei beking satu mahkota dari cabang-cabang kacili yang baduri kong se pake pa Yesus pe kapala. Trus dorang se pake pa Dia juba warna pars.