Popular Bible Verses from Matius 18

Share

Soalnya kalu ada dua ato tiga orang yang da bakumpul lantaran dorang percaya pa Kita, di situ Kita ada sama-sama deng dorang.”

Kita bilang lei pa ngoni, kalu di dunia ada dua orang dari ngoni sama-sama spakat mo minta apa-apa kong ngoni basombayang minta itu, Kita pe Bapa di sorga mo kase tu ngoni da minta.

Yesus pangge satu anak kacili, kong kase badiri tu anak di tenga-tenga pa dorang, trus Dia bilang, “Kita bilang pa ngoni, sapa jo yang mo jadi orang-orang dari Tuhan Allah yang berkuasa sbagai Raja, ngoni musti bertobat deng jadi sama deng anak kacili yang dong pe hati polos.

Jadi sapa yang de pe hati polos sama deng tu anak kacili, so dia tu mo jadi paling basar di antara orang-orang dari Tuhan Allah yang Berkuasa sbagai Raja.

Kong sapa jo yang trima satu anak kacili rupa ini lantaran tu orang itu percaya pa Kita, itu sama deng tu orang itu so trima pa Kita.”

Kita bilang pa ngoni, apa jo tu ngoni larang orang beking di bumi, itu lei mo dapa larang beking di sorga. Bagitu lei deng apa tu ngoni kase for orang beking di bumi, itu lei mo dapa kase beking di sorga.

Bagitu lei no deng Kita pe Bapa di sorga, Dia mo hukum pa ngoni kalu ngoni nyanda butul-butul kase ampung tu ngoni pe sudara yang percaya.”

Yesus bilang lei, “Sapa jo yang beking sesat satu dari anak-anak kacili rupa ini yang percaya pa Kita, lebe bae tu orang itu pe leher kase ika akang deng batu basar kong kase tengglam ka dalam laut yang dolong.

Yesus bilang lei, “Ngoni pikir bae-bae ni prumpamaan ini. Kalu ada satu orang yang punya sratus ekor domba kong satu ekor dari tu domba-domba itu tailang akang jalang, apa dia mo kase tinggal tu sambilan pulu sambilan ekor domba di tampa yang bagunung kong pi cari tu satu ekor domba yang da tailang akang jalang? Iyo to?