Popular Bible Verses from Matius 19

Share

Yesus haga pa dorang kong babilang, “For manusia nyanda mungkin mo se slamat tu de pe diri sandiri, mar for Tuhan Allah, Tuhan Allah bole se slamat pa manusia lantaran samua Dia bole beking.”

Jadi dorang dua so nyanda hidop sandiri-sandiri, mar so jadi satu. So lantaran itu, tu laki-laki deng parampuang yang Tuhan Allah so beking jadi satu, nimbole manusia mo kase cere.”

Mar Yesus manyao pa dorang, “Ngoni pasti so baca di Kitab Suci kalu dari pertama waktu Tuhan beking pa manusia, Dia tu da beking laki-laki deng parampuang. Kong Tuhan Allah da bilang bagini, ‘So itu, tu laki-laki mo se tinggal tu de pe papa deng mama, kong dia hidop sama-sama deng de pe bini, kong dorang dua itu jadi satu.’

Mar Yesus bilang pa De pe murit-murit, “Kase biar jo tu anak-anak itu datang pa Kita! Ngoni jang larang pa dorang lantaran tu orang-orang sama deng ini yang mo jadi orang-orang dari Tuhan Allah yang Berkuasa sbagai Raja.”

Mar banya orang yang orang ja bilang orang penting, dorang itu nyanda mo jadi apa-apa, kong tu orang yang orang ja bilang nyanda penting, dorang itu tu mo dapa hormat.”

Kong sapa jo yang so se tinggal de pe ruma, de pe kaka ade laki-laki ato parampuang, de pe papa ato de pe mama, de pe anak-anak ato de pe kobong lantaran dia da iko pa Kita, dia itu mo trima ulang sratus kali lipa tu samua itu deng lei dia mo dapa tu hidop kekal.

Yesus bilang pa dia, “Kalu ngana suka mo iko pa Tuhan deng sempurna, ngana pigi jo kong jual samua tu ngana pe harta, kong tu doi ngana kase berbage pa orang-orang miskin. Kalu ngana beking bagitu, Tuhan mo kase pa ngana harta di sorga. Abis itu ngana datang jo kamari kong iko pa Kita.”

Yesus manyao pa dia, “Kiapa so ngana batanya pa Kita tentang apa yang bae? Yang bae cuma ada Satu. Kalu ngana suka mo dapa hidop kekal, ngana musti iko tu Tuhan Allah pe prenta-prenta.”

Kong Kita bilang lei pa ngoni, masi lebe gampang satu ekor onta maso ka lobang jarum, daripada orang kaya mo trima tu Tuhan Allah for mo Berkuasa sbagai Raja pa dia.”

Mar Kita bilang pa ngoni, kalu ada laki-laki yang kase cere de pe bini padahal de pe bini itu nyanda bersina, kong tu laki-laki itu kaweng ulang deng parampuang laeng, tu laki-laki itu so bersina.”

Abis itu Yesus bilang pa De pe murit-murit, “Kita bilang pa ngoni, pe susa skali for orang kaya mo jadi orang dari Tuhan Allah yang Berkuasa sbagai Raja.