Popular Bible Verses from Luka 12

Share

Nouri rio himia nana meaha taidodiaimo; mabu nouri Oubiha‐mere nou aiwau‐ro’ui nou ta’uwa rioo iraromomo raihe.

Wia Iehova bububati rio opuito tamohoumo ina nana nouri auwoha rioido aiwai‐maati.

Wia nou neido naiba iaowa; Taaurimo mea hogoi kidia rioido o’u tore; mabu nouri ina dubu nou nana horohorori nou himia kiiro nouowa biahai.

Mabu nouri, batii nouowa rio nana auwoha airiadumo, rio himia imini nouowa naibaha aiwamidioi.

Rio boti mere umori, ina rio kiraromodioi kiraromodioi ina rio tutu tutu oitutimoira ata modobo aibo?

Wia nouro nou kitomudio mereido naibaha iaowa: Nouri mo rioido ainiao, Rio himia kiiro kiho nana, naiba rio himia goho hipura korowamiti nana, rioo pauwo iraromomo aue.

Wia rio opu hoobo’i nei auwoha tau iapo; nouri tore iatimo aue, rio korowame auwori, pahagama godogodo nei korowame kekebuori.

Tore aatimo aue rio keke oubi sipuri, Iehova nou auwo niro nou bububati rioido emaai.

Tai‐aurimo Oagu pahagama. Nei mate iboi orohomo biahai wia kihona iwohaudiomo biahai, wia nana kidiamo batira, kihona motora neiio iworohomo biahai; ina Iehovaro neido kihona airimaatidio. Taiba auwori, pahagamara e riora?

Nouri rio imohoutimo aue tou kihona waimo‐ihoi wia tou obo waimo‐idioi, ina rioo imini godogodoha iraromodiomo aue.

Ina Iehova pi batiwa naibaha amiteai; nananu hiwio nouri nei batiwa aremidiodumo wia dudueido kupoito iheemoi; nouro rio auwo iwamiti tatora, rio kekeha kiraromodio oubiri?

Nouri kopiraa nana auwoha pidaito aiwai‐mo‐iwoi; wia sisibo nana auwoha doo neiio aiwaimo‐oboduti.