Popular Bible Verses from Luka 17

Share

Ina nou nouido naiba iaowa, Tatoa, ro himia ko’u naveito ta’u. Ro himia kiraromodio na’i ro meaha tau oiti.

Ina nouro ro gooa owaiwa 7 ta’ui na’u hiwiowa, wia 7 ta’ui na’u hiwiowa nou roido araiwai naiba iaowa, Mo imini tau nimowai; rovia nou ubauba kidia iraromo aue.

Wia dubu na’u neimu, ina nou mea idaiti nou naibaha eauri, nouro naibaha araiwai wia auwo wadeito nou Iehovaido naibaha emabitiwa. Wia nou hohoito nou naibaha omoa Iesu kono mabuwa, wia niainiai wade nouido nouro naibaha iaowa. Wia dubui nouri Samaria duburi.

Rio himia himia taaurimo mea. Ina ro niama roido gooa owaiwa, nou tamadohiomai. Ina nou imini imowaiwa, nou uba kidia roro kiraromo moa.

Wia Iesu naibaha omowameaiwa naiba iaowa: 10 oubi mea oiti tatora wia 9 touowai?

Wia Pai‐dubu naiba iaowa; Ina rio kiraromodio na’i sinapi mate aibo riaadumo, nouri nua gema rioo nouido naiba waimo‐iaoi, Ro hipi ramu taiiahiodidio wia auwo‐turiwa tarararo, ina nouvia rioido aiwa‐rovidioi.

Dubunu nou himia kiiro aiwararomodioi, doo nou aiwaratoai; wia dubunu nou himia kiiro aiwatoai nourovia kiiro aiwaveai.

Ina nou himia kitomudio mereido nou naiba iaowa, Gooa nana’i korohoiha rorohodiomo; ere, dubu nouri, gooa nana rimetiodutiro. Nouido nou meahari ina na’u auwo akabu nou hokowa erereru wia nou auwo‐turito aivemoi, nou mea biahai nou goowa owai na’u keke mere nouri.

Wia nouri nana amida Noe hiwio’i nouowa tau o’umo, nana amida nou aibo aiwaimo‐o’ui, Oubiha‐mere hiwio’i noua. Neiio iohidiotutiumo wia imediotutiumo wia upira dubura oitutitutiumo wia upi dubuido imaatidiotutiumo, hiwio’i nouowa Noe auwo pewa naibaha orovia, wia karuru naibaha o’uro, ina nei auwoha naibaha iwodaudio.