Popular Bible Verses from Pilipi 3

Share

Mo nanaio, mo araromo biahai mo doihabuo nohiaidai, na’u na mainidodiai, dooito na’i mo dodonitutidio wia hohoito na’i neido moro ainimototutidio. Mo noito nohuodidio opuito wiha na’i oweai, wiha nouri nou Iehova toboroito kitua wadei Iesu Kerisomu.

Mo nou niroi, wia nou himia koroitorai pupuo na’i umo oiti. Nou himia mibo ta’ui nouowa mo niro nou mabuwa emidioi, wia mo niro mo goho ata goho aiboiti ina mo oihiaiwa mo nou aibo naihiai. Noupa moro ainaveai koihiaii noudo oroitorai na.

Wia nana auwoha mainararomo nei buru aibori, ina Iesu Keriso mo Pai‐dubu mo umori, nouri nou nana horohoro aibori. Nana auwoha moro tau niatoai nouido, moro ainiraromo nei nei aibori, mabu nouri mo auwo niro Keriso oweai.

Ata nouri nana mo opuito nou niraromo nei auwo meahari, doihabuo moro ainiraromo nei buru aibori, nou ta’uwa mo Iesu niroi.