Popular Bible Verses from Matiu 6

Share

Maa motahonae otoninima ra sanu hi na vanuana majiha, me na sena vei tataholo; tau irahu ta meamiu ra sanu vunuvunu naa mono.

Suria, moso otoninima tuitui ra sanu hinovi maa: suria inovi ininima ra sanu hinovi. Motahonae te sanu oso hi na pohi motea itoho me na pohi hina.

Suria aaso ta meamiu, Moso otoninima tuitui ra sanu hi na semiu mauri, otohani nasava, otooomi nasava; moso otoninima tuitui ra sanu hi na epemiu, otoriri nasava. Na semiu mauri motahonae jivihi na hamiu, e mojoa? na epemiu motahonae jivi hi na visivisimiu, e mojoa?

Maa iniho, me na rani omatapisi, motahonae oiruhusahe me na vonae hina me na peamu, tau otirihoro na riona tau, oimatapisi me Tamamu motoho taviahi, tau Tamamu inie moreni ra sanu toho taviahi ivoliho pa.

Suria motahonae otomatapisi pale a: Tamamamu me na tailahi, Motahonae na hisemu itapu. Motahonae iniho Na Moli hi ra tajua vunuvunu. Motahonae ra tajua vunu-vunu me na ulu tive ra sanu iniho oaso, palaira me na tailahi tevera.

Motahonae oirahu na hamamu hi na havui ta meamamu.

Motahonae na lolomu imalumu i amamu suri ra pilamamu vei vasoosoo, pala lolomamu temalumu ra tuamamu suri ra pilara vei vasoosoo.

Motahonae oisalaviamamu me na vei tapusiamamu, oilavi liliu i amamu ture na vei vasoosoo.

Suria va na lolomiu temalumu ra tajua suri ra pilara vei vasoosoo, na lolo i Tamamiu me na tailahi imalumu i amiu suri ra pilamiu vei vasoosoo mono.

Otoriovano me ra manu, tesalavolavo, tesaheliheli, tesalava hara ta na ima; maa Tamamiu me na tailahi morahu na hara ta mera. Amiu ototahonae jivi hira, e mojoa?

Moso otorahuvoro ra sipilamiu sanu me na ulu, me na vonae hi nahatihati me na tena sanu tehanira ae, me na vonae hi ra taha papaliho tepalihora ae: motahonae otorahuvoro ra sipilamiu sanu me na tailahi, me na vonae hi na hatihati me na tena sanu tesalianira ae, me na vonae hi ra taha papaliho tesapalihora ae: suria ra sipilamu sanu tetetoho veae, na lolomu mono itoho ae.

Saite tajua ivarao me na varese morua: suria na lolona ihahara motea, ivano me motea, e itoho me motea, isaninima motea. Otosapinisa varao me Atua me na tamate mono.

Maa Atua, va iriri visivisina pere palahi, mojiha na havui, tau inovi maa teputuhea ta na moru, isariri visivisimiu mono, e mojoa? O amiu ra taha rohoroho taiti mea.

Maa me na rani iniho oirahuvuso ra sanu ta me ra tajua motahonae na marauna havemu isapinisi na matuana havemu movei nasava: na pilamu rahuvuso itoho taviahi suria: tau Tamamu inie moreni ra sanu toho taviahi ivoliho pa.

Ototena ve na pilamiu vei tataholo me na pahora tajua, surira tireniamiu: va amiiu otovei palahi otosalavi na volimiu me Tamamiu me na tailahi.

Me na rani otosahani mono, moso ra pahomiu tejojomi, pala ra taha jihajiha: suria hire tevei leelee ra pahora suri ra tajua tirenira tesahani. Aaso taharahu ta meamiu, Telavi na volira mine. Maa iniho, me na rani osahani, mo-tahonae oivurai na remu, oirasi na pahomu; suri ra tajua tisareniho osahani, maa Tamamu motoho taviahi inie ireniho: tau Tamamu inie moreni ra sanu toho taviahi ivoliho pa.