Popular Bible Verses from Matiu 7

Share

Ototuhatuha, tau irahu tameamiu; ototirotiro, tau otopasuae; ototiti, tau iruneia ta meamiu

suria itea va itu-hatuha ilavia; itea va itirotiro ipasuae; itea va ititi iruneia ta mea.

Suria, te tajua itea va iroho ra leo hiu naa, va ivera, ipala tajua lolorani, mosara peana ta na malo

Suria, ra sanu vunu-vunu amiu otomeje ra tajua tivei ta meamiu, motahonae amiu otovei pale a ta mera: natuha na leo hi Atua, na leo hi ra provet.

Maa na matana rio hi na mauri moniata taiti, na rio hina motaiti, mosatavere tepasuae.

Otoruhusahe me na rio mata taiti: suria na matana rio hi na mate momata tahajia, na rio hina motabajia, ra tajua ra tari ra tari teruhusahe ae.

Suria, va amiu ra taha oso, otopinisa rahu ra rahuvuso tahonae ta me ra matumiu, motahonae jivi a Tamamiu me na tailahi irahu ra sanu tahonae ta me ra tajua tetuhae.

Ototena ninima oso suri ra tajua, tau hire tisaninima oso suriamiu. Suria amiu otoninima oso suri ra tajua paleve, palahi hire tininima oso suriamiu: amiu otorahu ra sanu mono ta me ra tajua paleve, palahi hire tirahu liliu ta meamiu.

Te tajua itea va iroho ra leo hiu naa, va isavera, inie ipala tajua taha muha, mosara peana ta na one

Surasava iniho oriova na mojo me na mata i tuamu, osaninimana hau motoho me na simatamu? E surasava oiaso ta me tuamu, Motahonae airahutuhe na mojo me na matamu; tau, O! te hau motoho me na simatamu?

Otomata susuhi amiu suri ra provet taha jihajiha, tenumai meamiu me na visivisira sip, maa me na lolora hire tepesi ila taha tirotiro hanihani. Otopinisira hi na vara. Ra tajua telavi na vana vain me na asi vola, e mojoa? e telavi na peturi me na hau alato, e mojoa?

Palahi te hau tahonae movae na vana tahonae; maa te hau oso movae na vana oso.

Te hau tahonae isavae na vana oso, te hau oso mono isavae na vana tahonae.

Te hau itea va isavae na vana tahonae tepahiruvia, teputuhea ta na hapu.