आमोस तकोआ नगरेरो रानेबालो थियो ज़ै पुहालन मरां थियो, तैसेरे इना वचन आन ज़ैना तैनी यहूदा प्रदेशेरे राज़े उज्जियाहेरे ते योआशेरे मट्ठे इस्राएलेरे राज़े यारोबामेरे राज़ केरनेरे वक्ते मां भुंज़ले करां दूई साल पेइले, इस्राएलेरे बारे मां परमेशरे करां दर्शन मैलतां ज़ोए;
“यहोवा सिय्योने मरां गरज़ेलो ते यरूशलेमे मरां अपनि आवाज़ शुनालो; तैखन पुहालां केरि चरागां मातम केरेली, ते कर्मेल पहाड़ेरी च़ोट फुकोई गाली।”