Popular Bible Verses from आमोस 2

Share

यहोवा एन ज़ोते: “इस्राएलेरे ट्लाई बल्के च़ेवर पापां केरे वजाई सेइं अवं तैस ज़रूर सज़ाह देइलो; किजोकि तैनेईं बेकसूर रुपेइयां केरे लेई ते गरीब अक ज़ोड़ी जुट्टी केरे लेई बेच़ी छ़डे।

यहोवा एन ज़ोते: “यहूदारे ट्लाई बल्के च़ेवर पापां केरे वजाई सेइं अवं तैस ज़रूर सज़ाह देइलो। किजोकि तैनेईं यहोवारो कानून निकम्मो समझ़ो ते मेरी विधि न मेन्नी; ते अपने झूठे देबतां केरे वजाई सेइं ज़ैन केरि तैन केरे दादे पड़दादे पूज़ा केरते थिये, तैना भी भेटकी जेवरेन।

तैना कंगालां केरे दोग्गे पुड़ धूड़रू भी लालच़ केरतन, ते हलीम लोकन बत्ती करां भी दूर केरतन। ते बाजी ते मट्ठू एक्‍की गुलाम कुइये कां गातन, ज़ैस सेइं मेरू पवित्र नवं अपवित्र भोते।