Popular Bible Verses from उत्पत्ति 13

Share

किजोकि ज़ेत्री धरती तीं लेइहोतीए, तै सब अवं तीं ते तेरे खानदाने जुगे-जुगेरे लेई देइलो।

ज़ैखन लूत अब्रामे करां अलग भोइ जेव तैखन तैसेरां बाद यहोवा अब्रामे सेइं ज़ोवं, “एछ़्छ़ी उब्री केरतां ज़ैस ठारी पुड़ तू आस तैट्ठां उत्तर-दक्षिण, पूर्व-पश्चिम, च़ेवरे पासन नज़र दे।

ते अवं तेरे खानदाने धेरतरे धूड़रे ज़र्रां केरे बराबर खूब बधेइलो, इड़ी तगर कि ज़ेन्च़रे कोई धेरतरे धूड़रे ज़र्रां केरि गिनती न केरि सके; तेन्च़रे तेरे खानदाने भी कोई गेनि न बटेलो।

तैखन अब्राम लूते सेइं ज़ोने लगो, “मेरे ते तेरे दरमियाने मां, ते मेरे ते तेरे पुहालां केरे दरमियान लड़ाई न भोए; किजोकि अस लोक भियालम।

इसेरे बाद अब्राम अपनो तेम्बु पुटतां, मम्रेरे बंज़ेरे बुट्टेरे मझ़ाटे ज़ै हेब्रोने मां थियो, गेइतां राने लगो, ते तैड़ी भी यहोवारी अक वेदी बनाई।

तैखन लूते एछ़्छ़ी उब्री केरतां, यरदन दरियाए करां बेइहीं सारी वादी लाही कि तै सब सेगोरीए। ज़ांतगर यहोवा परमेशरे सदोम ते गमोरा नाश न थियां कियोरां, तांतगर सोअरेरे बत्ती तगर तै वादी यहोवारे बागरी, ते मिस्र मुल्खेरी ज़ेरि फलदार थी।