Popular Bible Verses from उत्पत्ति 27

Share

परमेशर तीं अम्बरे मरां ओश ते ज़मीनरे अन्नेरी पैदावार, ते बड़ू अन्न ते नंव्वो दाछ़रो रस दे। सैरी कौमां तेरी सेवा केरेली, ते मुल्खां-मुल्खां केरे लोक तीं कां झुकन। ते तू अपने ढ्लां केरो मालिक भोस, ते तेरी अम्मरां मट्ठां तीं कां झुकन, ते ज़ैना तीं लानत देन, तैना एप्पु लानती भोन, ते ज़ैना तीं बरकत देन तैन बरकत मैल्हे।”

एसावे ज़ोवं, “ठीक तैसेरू नवं तांए याकूब नईं रखोरूए? तैनी मीं दूई फेरेईं धोखो दित्तोरोए” अक त तैनी मेरे बड्डे भोनेरू हक नियोरू थियूं, ते हुन्ना मेरी बरकत भी घिन्नी जेव? फिरी तैनी पुछ़ू, “कुन मेरे लेई हुनी कोई बरकत नईं राहोरी।”

तैसेरे बाजी इसहाके तैस जुवाब दित्तो, “शुन, तेरी रानेरी ठार रोड़ी फसल देने बैली ज़मीनी करां दूर भोए, अम्बरेरी ओश बैंधोरां तैस पुड़ न पे। तू तलवारारे बले पुड़ ज़ींतो रालो, तू अपने ढ्लाएरी सेवा केरेलो, पन ज़ैखन तीं मां बरदाशत केरनेरी ताकत न राहेली, तैखन तू अपने ढ्लाएरो जुओ अपने कंधे पुड़ेरां शैरी छ़डेलो।”

एसावे अपने बाजी सेइं ज़ोवं, “हे मेरे बाजी, तीं कां कुन सिर्फ अक्‍के बरकत थी? हे मेरा बाजी मीं भी बरकत दे।” तैखन एसाव ज़ोरे-ज़ोरे सेइं लेरां लगो देने।