Popular Bible Verses from उत्पत्ति 28

Share

ते एन शुन, कि अवं तीं सेइं साथी भोल्हो, ते ज़ैड़ी कोन्च तू गालो, तैड़ी तेरी हिफाज़त केरेलो, ते अवं तीं इस मुल्खे मां वापस आनेलो, ते ज़ै वाधो मीं तीं सेइं कियोरोए तैस पूरे केरने तगर अवं तीं अकैल्‍ले न छ़डेलो।”

ते यहोवा परमेशर पेवड़ी पुड़ खड़ो थियो, ते एन ज़ोई राहोरो थियो, “कि अवं तेरे दादे अब्राहमेरो ते इसहाकेरो यहोवा परमेशर आईं अवं ऐह ज़मीन ज़ैस पुड़ तू झ़ुलोरोस तीं ते तेरे खानदाने देइलो।

ज़ैखन याकूब निड्लारां बींझ़ो त तै एन लगो सोचने कि, “चाए ज़ैन किछ भी आहे, पन इस ठारी यहोवा ज़रूरे, पन मीं एल्हेरो कोई पतो न थियो।”

तैखन याकूबे ऐह मन्नत मन्नी कि, “अगर यहोवा परमेशर इस सफरे मां मीं सेइं साथी राए ते मेरी हिफाज़त केरे ते मीं खानेरे लेई रोट्टी ते लानेरे लेई लिगड़ां दे। ते अवं अपने बाजी केरे घरे सुखे सेइं पुज़्ज़ी गेईं, त यहोवा मेरो परमेशर भोल्हो। ते ई घोड़, ज़ै मीं खम्भेरो ज़ेरो खड़ो कियोरोए, परमेशरेरू भवन भोल्हु, ते हे यहोवा, ज़ैन किछ तू मीं देलो, अवं तैसेरो दशोवं हिस्सो तींजो देइलो।”

तेरी औलाद रेतरी ज़ेरी एत्री जादे भोइ गाली कि, तै च़ेवरे पासन पश्चिम, पूरब, उत्तर, दक्षिणे मां फैलती गाली, ते तेरे खानदानेरे ज़िरिये सेइं ज़मीनरी सैरी कौमन बरकत मैल्हेली।

एल्हेरेलेइ याकूबे तैस ठारारू नवं बेतेल रख्खू, हांलाकि पेइले तैस नगरेरू नवं लूज थियूं।