Popular Bible Verses from लूका 7

Share

इस खातर तू समझी लै भई इसारे पाप, सै जे बौहत थे, माफ हुईगे, काँह्भई इसे मता प्यार कित्या। पर तिस माहणुये रे जे थोड़े पाप माफ हुए, सै थोड़ा प्यार दस्सां।” फेरी प्रभु यीशुये तिसा जनाना जो गलाया, “तेरे पाप माफ हुये।”

यीशुये तिसा जनाना ने गलाया, “परमेशरे तिज्जो बचाईल्या, काँह्भई तैं माह पर विश्वास कित्या, इस खातर बेफिक्र हुईने जा।”

कने तिसरे पैराँ ले, पिच्छे खढ़ी हुईने, रोन्दी हुई तिसरे पैराँ जो आक्खीं रे परौल़यां ने सेड़ने कने सिरा रे बाल़ां ने साफ करने लगी, कने तिसरे पैराँ जो बार-बार चुम्मीने तिन्हां पर इत्र मल़या। तैं मेरे सिरा पर तेल नीं मल़या; पर इसे मेरे पैराँ पर इत्र मल़या।

हऊँ औणे कने तुहांजो मिलणे रे लायक बी नींआ, पर ऊत्थीते वचन इ बोल्ली दे, मेरा दास्सा ठीक हुई जाणा। हऊँ बी किसी रे अधीन काम्म कराँ; कने सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो औणे जो बोलां भई ‘औ,’ तां सै औआं; कने अपणे किसी दास्सा जो भई ‘ये कर,’ तां सै तिस्सो कराँ।” ये सुणीने यीशुये जो चम्भा हुया, कने तिने मुँह फेरीने तिसा भीड़ा ने सै जे तिसरे पिच्छे आई कराँ थी बोल्या, “हऊँ तुहांजो सच्च बोलां भई मैं इस्राएल च बी येढ़ा विश्वास नीं देख्या।”

तिस बगत, तिन्हारे सामणे यीशुये मतयां बमाराँ जो ठीक कित्या, कने बुरीआत्मां ते छडुआईने चंगा कित्या कने मते अन्हे लोकां जो देखणे लायक बणाया। यीशुये यूहन्ने रे चेलयां ने बोल्या, “सै जे किछ तुहें देख्या कने सुणया, जाईने यूहन्ने ने बोल्ला; भई अन्हे देक्खां ये, कने लंगड़े हन्डणे फिरने लगे, कोढ़ी शुद्ध कित्ते जायें, टौणे सुणां ये, कने मुड़दे जिऊंदा कित्ते जायें, कने गरीबां जो खुशखबरी सुणाई जाईं।