Popular Bible Verses from लूका 8

Share

पर उपजाऊ जमीन, तिस पर जे ब्यू पौआं, सै भले मना रे, ईमानदार लोकां जो दस्सां सै जे परमेशरा रा बचन सुणां ये, कने तिस्सो अपणे जीवना च लागू करी लें, सै लगातार खरी फसल लेईने औयें।

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, सै जे बचनां जो सुणी ने ग्रहण त कराँ ये, पर जियां जे अग्गे बचनां च बधणे लगां ये तियां इ सै जिन्दगिया रे फिक्राँ च, धन-दौलत कने सुख सुबिदा रिया लालसा च फस्सी जायें तिसते जे तिन्हां रिया आत्मा रा बिकास नीं हुन्दा येढ़यां लोकां री फसल कदीं नीं पकदी।

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

फेरी यीशुये तिन्हाते पुच्छया, “तुहांरा विश्वास किति आ?” सै डरिये कने हैरान हुईने अप्पूँ चियें बोलणे लगे, “ये माहणु हाया कुण आ? इसरा हुक्म तूफान कने पाणी बी मन्नां ये।”

किछ लोक येढ़े तिन्हांरी बराबरी जे तिस ब्यूआ ते कित्ती जाई सक्कां इ सै जे बाट्टा च पैईरा। सै परमेशरा रा वचन जरूर सुणां ये, पर शैतान छोड़चा ने जां कने तिन्हांरे मनां ते तिस वचना जो मटाई देआं सै जे तिन्हें सुणया था। भई किति ये नीं हो भई सै विश्वास करीने छुटकारा पाईलो।

सै जे किछ हूणा तक छुपीरा, सै इक दिन सामणे ल्याया जाणा, कने जो बी भेत आ सै सबनीं रे सामणे प्रगट कित्या जाणा।

जिस बगत सै जनाना समझीगी भई यीशु जाणिग्या, फेरी सै कम्बदी हुई आई कने तिसरे पैराँ पैईगी। सारी भीड़े तिसारी गल्लां जो सुणया भई सै यीशुये ने कजो छोई थी, कने कियां सै इकदम चंगी हुईगी। यीशुये तिसाजो गलाया, “बेटी, तेरे इ विश्वासे तिज्जो ठीक कित्या, बेफिक्र हुईने चली जा।”

फेरी तिन्हें नेड़े आईने तिस्सो जगाया कने बोलणे लगे, “गुरू जी! गुरू जी! अहें डुबी रायें!” यीशुये उट्ठीने तूफाना जो, कने पाणिये च उठदी लैहराँ जो फटकारया। तिसते बाद तूफान रुकिग्या, कने सब किछ शाँत हुईग्या!