Popular Bible Verses from मरकुस 6

Share

यीशुये चेलेयां जो गलाया, “औआ इक येढ़िया जगह पर चलिये तित्थी जे अहें कल्हे रैई सक्को कने होर किछ देर आराम करी सक्को।” काँह्भई बौहत लोक औवां-जां थे, इस खातर यीशु कने तिसरे चेलयां जो रोटी खाणे रा वगत बी नीं मिलदा था।

यीशुये तिन्हांने गलाया, “ये सच्च आ भई लोक मिन्जो कने भविष्यवक्तयां जो दुज्जियां जगहां च आदर कराँ ये, पर अपणे नगरा च नीं! अपणे टबरा कने अपणे घरा रे लोक बी तिन्हांरा आदर नीं करदे!”

ताहली जे यीशु किश्तिया ते उतरया, तिने इक बौहत बड्डी भीड़ देक्खी, कने तिन्हां पर तिस्सो तरस आया, काँह्भई सै तिन्हां भेड्डां साई थे, तिन्हांरा जे कोई रखवाल़ा नीं हो; सै तिन्हांजो परमेशरा रे राज्जा री बौहत सारी गल्लां सिखाणे लगया।

तिन्हे तिस पर विश्वास नीं कित्या इस खातर तिने अपणे हात्थ रक्खीने सिर्फ किछ इ लोकां जो ठीक कित्या; इसते इलावा सै ऊत्थी होर कोई चमत्कार नीं करी सक्कया। कने तिस्सो तिन्हांरे अविश्वासा पर हैरानी हुई। इसते बाद यीशु नेड़े-तेड़े रे गाँवां च गया कने लोकां जो परमेशरा रा सन्देश सखाया।

यीशुये तिन्हां पंज्जाँ रोटियां जो कने दूँईं मच्छियां जो लया, कने स्वर्गा खौ देखीने परमेशरा जो धन्यवाद दित्या, कने रोटियां रे दो-दो टुकड़े करीने चेलयां जो देन्दा गया भई सै लोकां जो खाणे जो देओ, कने सै दो मच्छियां बी तिन्हां सबनी च बन्डी तियां। कने सब खाईने रज्जीगे, ताहली जे सारे खाई बैट्ठे, तां चेलयां बचीरे टुकड़यां रे बारा टोकरु भरीने चक्के, कने किछ मच्छियां बी।