Popular Bible Verses from मरकुस 7

Share

काँह्भई अन्दरा ते, यनिके माहणुये रे मना ते, बुरे-बुरे बचार, व्यभिचार, चोरी, हत्या, परस्त्रीगमन, लोभ, दुष्टता, छल, लुचपन, बुरी नज़र, निंध्या, घमण्ड, कने मूर्खता निकलां इ। ये सब बुरियां गल्लां माहणुये रे अन्दरा तेई निकल़ां इयां कने माहणुये जो अपवित्र कराँ इयां।”

येढ़ि कोई चीज़ नीं तिसाजो जे माहणु खाईने अपवित्र हुआं; पर सै जे किछ माहणुये रे अन्दरा ते निकल़ां, सै तिस्सो अपवित्र कराँ।

यीशुये तिन्हांजो जवाब दित्या, “यशायाह ठीक था ताहली जे तिने पवित्र शास्त्रा च तुहां साई पखण्डियां रे बारे च भविष्यवाणी कित्ती; तियां जे लिखिरा : “ ‘तुहें लोक मेरे बारे च बौहत अच्छा बोलां ए, पर तुहें हकीकत च माहने प्यार नीं करदे।

तिन्हांरी अराधना मेरे खातर कोई मायना नीं रखदी, काँह्भई सै परमेशरा रे हुक्मा जो छड्डिने माहणुआं रा हुक्म सखांये।’

काँह्भई तुहें परमेशरा रे हुक्मां रा पालन करना बन्द करितरा कने माहणुआं रियां रितियां रा पालन करां ए।”