Popular Bible Verses from मरकुस 9

Share

यीशुये तिस्सो गलाया, “ये नीं बोलणा जे तुहें करी सक्कां ये, काँह्भई परमेशरा पर विश्वास करने औल़यां खातर सै सब किछ करी सक्कां।”

मुण्डुये रा पिता इकदम चिल्लाया, “हे प्रभु, हऊँ विश्वास कराँ भई तुहें मेरी सहायता करी सक्कां ये, पर हऊँ विश्वासा च इतणा मजबूत नींआ, इस खातर मेरी सहायता कर ताकि हऊँ विश्वासा च मजबूत हुईजो।”

बाद बिच ताहली जे यीशु अपणे चेलेयां सौगी घरा च कल्हा था, तां तिन्हें तिसते पुच्छया, “अहें बुरीआत्मा जो काँह नीं कड्डी सक्के?” फेरी यीशुये जवाब दित्या, “तुहें इस तरिके रियां बुरियां आत्मां जो सिर्फ प्राथना रेई जरिये निकाल़ी सक्कां ये।”

लूण खाणे च पाईने खाणे जो स्वादिष्ट बणां, पर जे लूणा रा स्वाद बिगड़ी जाओ, तां तिस्सो तुहें भीं ते इस्तेमाल लायक नीं बणाई सकदे; इक्की दूये सौगी तियां इ शांन्तिया ने रौआ तियां जे लूण खाणे च पाणे ते बाद मिली जां।”

“सै जे कोई माह्णु मेरिया वजह ते इस साई इक बच्चे पर दया करां, सै सच्चीजो मेरा आदर कराँ। जे कोई माह्णु मेरा आदर करां, तां सै हकीकत च परमेशरा रा आदर करां तिने जे मिन्जो भेज्जिरा।”

हऊँ तुहांने सच्च बोलां, मसीह रे पिछे चलने रिया वजह ते, जे कोई तुहांरी थोड़ी जेई मदद बी करो तियां जे पाणी प्याणा, तां तिन्हांजो परमेशरा जरूर ईनाम देणा।”

यीशुये ये बी बोल्या “सै जे कोई माह पर विश्वास करने औल़यां चते इक्की जो बी पाप करने पर मजबूर करो, भले इ सै इक बच्चे साई कोई हो, ये तिसरे खातर बेहतर हूणा भई इक बजनी पत्थर तिसरे गल़े ने बन्हया जाओ कने तिस्सो डुबणे रे खातर समुद्रा च सट्टि दित्या जाओ, ये तिसरे खातर भयानक सजा हुई सक्का इ पर परमेशरा तिसजो इसते बी भयानक सजा देणी।

पाप करने रिया हरेक वजह जो दूर करा! इसजो पूरे तरिके ने अस्वीकार करा। काणा हुईने तेरा स्वर्गा जो जाणा बौहत अच्छा, बजाये इसरे भई तेरियां दो आक्खीं हुन्दे हुये तिज्जो नरका रिया तिसा अग्गी च पाया जाओ सै जे कदीं मनी बुझणी।