Popular Bible Verses from KUMA 8

Share

Na ala eki ma syama meeka o ta ũu na mowe moo maete ndaa, ĩndĩ matyaatonya: na kwaĩ ndaa andũnĩ, na nyamũnĩ. Nĩvo ĩndĩ eki ma syama mamwĩie Valao, Kĩĩ nĩ kyaa kya Ngai: na ngoo ya Valao yaĩ nyũmũ, na ndaamethũkĩĩsya; o tondũ Ngai ũneenete.

Na Yeova amwĩa Mose, Lika kwa Valao, noimwĩa, Ũũ nĩw’o Yeova ũnũkwasya, Lekya andũ makwa mathĩ, manthũkũme.

Ĩndĩ yĩla Valao wonie ũthũmũo, oomya ngoo yake, na ndaamethukĩĩsya; o tondũ Yeova ũneenete.

Na ethĩwa nũũlea ũmalekya mathi, sisya, ngakũna mĩvaka yaku yonthe na kũete syoa

Na Yeova amwĩa Mose, Mwĩe Aluni, Tambũũkya ndata yaku, noĩkũna kĩtoo kya nthĩ, kĩtw’ĩke ndaa nthĩ yonthe ya Misili.

Na Yeova eeka ũu; na kwalika ngi mbingĩ nyũmbanĩ ya Valao, na nyũmbanĩ sya athũkũmi make: na nthĩnĩ wa nthĩ yonthe ya Misili nthĩ yathũkwa mũno kwondũ wa ngi isu mbingĩ.