Popular Bible Verses from MWAMBĨLĨLYO 24

Share

Nake asya, Ame Yeova, Ngai wa vwana wakwa Avalaamu, nĩngũũvoya, mbaĩlĩlya ũmũnthĩ, wĩke vwana wakwa Avalaamu nesa.

nĩkwĩthĩwe, mwĩĩtu ũla ngũmũtavya, Aũa kĩtete kyaku kya yũmba, nĩngũũvoya, nĩnyw’e; nake akambĩa, Nyw’a, na nĩngũnyithya ngamĩle syaku nasyo: ũsu nĩethĩwe ũla wamũnyuvĩe mũthũkũmi waku Isaka; nĩw’o nĩmanya kana nũmwĩkĩte vwana wakwa nesa.

Na Isaka amũete ĩeemanĩ ya inyia wake Sala, na oosa Leveka, na atw’ĩka mũka wake; na amwenda: na Isaka akiakiw’a ĩtina wa kĩkw’ũ kya inyia wake.

Na maathima Leveka, mamwĩa, We mwĩĩtu‐a‐ia, wĩthĩwe wĩ inyia wa ngili kũndũ ngili makũmi, na ũsyao waku nĩũmesye mbingĩlo ya ala mamamenaa.

nakwa nĩngũkwĩavĩthya kwa Yeova, Ngai wa ĩtu na Ngai wa nthĩ, ndũkatwaĩe mwana wakwa mũka eĩtunĩ ma Akanaani, ala nĩtũaa katĩ woo: ĩndĩ ũkaenda kũvika nthĩ yakwa, na ũkonĩ wakwa, ũtwaĩe mwana wakwa Isaka mũka.