Popular Bible Verses from MWAMBĨLĨLYO 25

Share

Na Yeova amwĩa, Mbaĩ ilĩ syĩ ĩvunĩ yaku, Na ngo ilĩ sya andũ ikauma ĩvunĩ yaku ivathũkanĩte: Na ũko ũmwe ũkeethĩwa na vinya kũte ũko ũla ũngĩ; Na ũla mũkũũ akathũkũma ũla mũnini.

na Esau amwĩa Yakovo, Ngathĩsya, nĩngũkwĩsũva, ũsũũ ũsu mũtune; nũndũ nĩ mũnyalu: kwondũ wa ũu syĩtwa yake eetwa Etomu.

Na Isaka eesũva Yeova kwondũ wa mũka wake, nũndũ aĩ ngũngũ: na Yeova eesũvĩka, na Leveka mũka wake aya ĩvu.

Na Esau asũngĩa, Sisya, ngilĩlye ũkw’a: na ũkithathi ũkanguna na kyaũ? Na Yakovo amwĩa, Amba kwĩmbĩtĩa; nake amwĩvĩtĩa: na athooesya Yakovo ũkithathi wake.

Na ĩtina wa ũu mwana‐a‐inyia auma, na kw’oko kwake kwakwete Esau kĩtiinyo; na syĩtwa yake eetwa Yakovo: na Isaka aĩ wa myaka mĩongo thanthatũ yĩla Leveka wamasyaie.

Na ĩndĩ Isaka amwendaa Esau, nũndũ aĩsaa nyama sya nzyĩma yake: na Leveka amwendaa Yakovo.